𝐆𝐋𝐎𝐁𝐀𝐋 𝐇𝐀𝐍𝐃 𝐖𝐀𝐒𝐇𝐈𝐍𝐆 𝐃𝐀𝐘 𝐇𝐌𝐀𝐍𝐆

Get real time updates directly on you device, subscribe now.

𝐆𝐋𝐎𝐁𝐀𝐋 𝐇𝐀𝐍𝐃 𝐖𝐀𝐒𝐇𝐈𝐍𝐆 𝐃𝐀𝐘 𝐇𝐌𝐀𝐍𝐆 :
Nimin khan SSA, PHE Dept leh Health Department Champhai District tangkawp buatsaihin Champhai-ah Global Hand washing Day hman a ni.
Global Hand Washing day hmanna Govt Vengthlang Middle School-a neihah hian Clean Hands for all tih thupui hman niin, zirlai naupangte chu hriselna atan kut silfai a pawimawh thu te, Thil ei dawn leh inthiar dawn leh inthiar zawhah te, damlo bawihsawm dawn leh bawihsawm zawhah te kut silfai ngei ngei tur a nih thu te leh kut sil zawhah Hrukpuan faingeia hul taka kut hruk hul thin tur a nih thu te, nausen khawih dawnah te kut bala khawih a him loh thute zirtir an ni. Kut sil dan turte a tak zirtir an ni a, kut silfai loh avanga natna hrik kai theih hrang hrangte zirtir an ni bawk a, an thil zirte chu ngun taka ngaithlaa an chhungte leh an thiante hrilh chhawngtu ni tura chah an ni bawk.
He hun hi Vanlalthafamkima, Coordinator (MDM) SSA Mission Champhai District chuan kaihruaiin, Julie C Mawii, Swatchh Bharat Missian (Gramin) PHED Champhai leh C. Lalramengi, District Programme Manager, NHM te’n zirlai naupangte hi an zirtir a. Champhai District chhunga zirna in 5 Govt PS Champhai, Govt Roseland School, Govt LM Middle School, Govt PS IV leh Govt Venglai Comprehensive MS zirlai naupangte kohkhawm an ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More