𝗔 𝗵𝘂𝗻 𝘁𝗮𝗸𝗮 𝗱𝗮𝗺𝗱𝗮𝘄𝗶 𝗹𝗲𝗵 𝗵𝗺𝗮𝗻𝗿𝘂𝗮 𝗵𝗺𝗮𝗻 𝘁𝗵𝗲𝗶𝗵 𝘁𝘂𝗿𝗮 𝗵𝗺𝗮𝗹𝗮𝗸 𝗱𝗮𝗻 𝗶𝗻𝘇𝗶𝗿𝘁𝗶𝗿𝗻𝗮

Mipuiin an mamawh huna damdawi leh hmanrua an tlakchham loh a, damdawi leh hmanruate a hun taka hman theih tura a awm reng theih nana hmalakna tha leh changtlung zawka kalpui dan tur Champhai-ah zirho a ni.
Mizoram Sawrkar Health & Family Welfare Department leh National Health Mission (NHM) bultumin nimin khan damdawi leh hridanna Vaccine pekchhuah leh enkawl kawnga hriat tulte inzirtirna, Drugs and Vaccine Distribution Management System (DVDMS) zirhona chu I&PR Conference Hall, CHANEM, Champhai-ah neih a ni a. Dr Mary Zohmingliani, State Nodal Officer (SNO), DVDMS; PC Laltlanzuala, Programme Manager, DVDMS leh Zoremmuana Khiangte DEO, DVDMS te’n Drugs and Vaccine Distribution Management System chungchanga hriat tur hrang hrangte an zirtir a ni.
DVDMS hi Software Platform Drugs and Vaccine Supply Chain Management felfai taka siam awmna a ni a. DVDMS-in a tum ber chu Public Health Facilities zawng zawng te’n an mamawh ang damdawi leh hmanrua,
mamawh huna an tlakchham loh nan leh, a hun taka hman theih tura a awm reng theih nana hmalak a ni.
A thawhkhatna atan CMO Office, District Hospital, CHC leh PHC-ahte Drugs and Vaccine Distribution Management System hi kalpui tum a ni a. DVDMS kaltlang hian Central Medical Store, Aizawl atanga damdawi leh thil dang District leh CHC/PHC a semchhuahte leh damlo hnena semchhuah leh chhawnte a vil zui theih dawn a. Ruahmanna siam leh tihpuitlin pawh a awlsam phah zawk dawn avangin damdawi leh hmanrua pawh tangkai zawk leh, a tam thei ang berin damlote tana hman theih turin a awm dawn a ni.

Nimin zirhona hunah hian CMO Champhai huam chhunga CHC leh PHC hrang hrang atanga lokal Medical Officer 14 te, Staff Nurse, Pharmacist leh Block Accounts Manager-te an tel a. Ruahman dan chuan vawiinah ‘Health Management Information System’ chu zirho tur a ni a, naktukah Reproductive Child Health (RCH) Programme zirho leh a ni ang