𝗕𝗮𝗹𝗹 𝗯𝗲𝗻 𝗶𝗻𝘁𝗶𝗵𝘀𝗶𝗮𝗸 𝗵𝗺𝗮𝘄𝗿 𝘃𝗮𝘄𝗸 𝗱𝗮𝘄𝗻 𝘁𝗮

0

Get real time updates directly on you device, subscribe now.

Nimin khan Mazuia Memorial Volleyball Tournament chu Semi-Final khelh zawh a ni a, vawiinah final khelin a hmawr bawk fel a ni ang.
Tunkar Thawhlehni atanga khelh tan, Mazuia Memorial Volleyball Tournament chu a hmawr bawk a ni tdawn ta a. Nimin khan Semi-Final Match khelh zawh niin, Semi Final-ah hian Set 5 zel khelh a ni a. Mipa Match hmasa zawkah Mazuia Home, TNT leh Zokhawthar G&SA-te inkhelin, Mazuia Home TNT-te’n hnehna changin Final an lut a.
Hmeichhe match hmasa zawkah Lalduhthara Memorial Volleyball Club leh RL Volleyball Club, Ngur-te inkhelin, Lalduhthara Memorial Volleyball Club-te’n hnehna changin Final an lut bawk a ni. Mipa Semi-final Match hnuhnung zawkah Henry Lalramdina Memorial Volleyball Club leh USDK Farkawn-te inkhel ve lehin, Henry Lalramdina Memorial Volleyball Club hian hnehna an chang a. Hmeichhe match hnuhnung zawkah Ahruaitei Volleyball Club, Zotlang chuan Zokhawthar G&SA an hneh bawk. Mipa Final ah Mazuia Home, TNT leh Henry Lalramdina Memorial Volleyball Club an intum ang a; hmeichhe final-ah Lalduhthara Memorial Volleyball Club leh Ahruaitei Volleyball Club, Zotlang an intum dawn bawk a ni. Tournament kharna hun hi vawiin chawhma dar 11-ah, Champhai, Kahrawt Field-ah hman tur niin, R. Lalnghakliana, Project Director, DRDA, Champhai chuan khual lian niin a hmanpui dawn a; hemi hnu hian final khelh zui a ni ang.

Leave A Reply

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More