𝗕𝗲𝘁𝗵𝗲𝗹 𝗩𝗲𝗻𝗴𝗮𝗵 𝗰𝗵𝗲𝗻𝗻𝗮 𝗜𝗻 𝗸𝗮𝗻𝗴

Nimin khan Champhai, Bethel veng PWD Complex-a Pu K. Vanlalchawimawia Quarters luah lai a kang a; thi leh hliam an awm lo a, bungrua Rs. Nuai 3.5 man bawr vel a kang ral.
Nimin chhun dar 12:15 vel khan Pu K. Vanlalchawimawia Quarters luah lai, PWD Tlanga mi chu a chhan hriat lohin a kang a; kangmei a chhuak tih hriat a nih veleh thenawm khawvengte chu kangmei thelh tuma chhuak khawm nghalin, Fire Department pawh hriattir nghal an ni a. Fire Department leh mi tlawmngai kal khawmte’n theihtawp chhuaha an thelh hnuah chawhnu dar 1:00 vel khan kangmei chhuak hi an thelh mit thei a ni.
Quarters luahtu, Pu K. Vanlalchawimawia hi PWD-a Labour hna thawk niin, In a kan lai hi hna thawka a chhuah lai a ni a. A chenpui
a u pawh hna thila a chhuah lai niin, thi leh hliam an awm lo a. Pu K. Vanlalchawimawia hian a chhuah dawnin Current a off vek thu a sawi a; amaherawhchu, kangmei hi a chhuahna chhan dang hriat a nih loh avangin Current kal sual vang ni a rin a ni tih thu dawn a ni.
Kangmei chhuakah hian inchhung bungruate chu a kang chhe deuh vek a, Gas bur pahnih erawh chu a kan nasat hmain thiar chhuah hman a ni thung.