𝗕𝘂𝗮𝗻𝗴 𝗸𝗵𝘂𝗮 𝗶𝗻 𝗰𝗵𝗵𝗮𝘄𝗺𝗱𝗮𝘄𝗹 𝗵𝗻𝗮 𝗸𝗮𝗹𝗽𝘂𝗶 𝘇𝗲𝗹

Buang Branch YMA chu an huam chhunga Chhiat tawk chhungte tanpuiin hun an hmang thin.
Buang Branch YMA hian an huam chhunga Chhiat tawk an awm reng rengin Thlan nghah ni-ah kum 35 chin chung lamin thlan an dawl thin a. Kum 35 hnuai lam zawngin chhiat tawk chhungte tana hna tangkai eng emaw tal an thawhsak thin a. Lo vah sak, hlo thlawh sak leh thing phurh sak te emaw, chhiat tawk chhungte’n hnathawh laklawk thawh chhunzawn tul an neih apiang emaw an thawh sak thin. He dan hi kum 2012 vel atanga hman tan a ni a, nimin bikah chuan tunhnaia tui tla avanga nunna chan chhungte puiin thing an laksak a ni.
Buang Branch YMA chuan tanpui ngai te tanpui tih thuvawn a neitu YMA te hetianga chhiat tawk chhungte an pui thin hi zawng chhang tlak an tih thu leh chhunzawm zel an tum tih an sawi.