𝗖𝗵𝗮𝗺𝗽𝗵𝗮𝗶 𝗧𝗵𝗮𝗹𝗮𝗶 𝗣𝗮𝘄𝗹 𝗹𝗲𝗵 𝗦𝘂𝗯-𝗛𝗾𝗿𝘀 𝗬𝗠𝗔 𝘁𝗲𝗻 𝗠𝘆𝗮𝗻𝗺𝗮𝗿 𝗮 𝗭𝗼𝗵𝗻𝗮𝗵𝘁𝗵𝗹𝗮𝗸 𝘁𝗲 𝘁𝗵𝗹𝗮𝘃𝗮𝗻𝗴 𝗵𝗮𝘂𝗵

Get real time updates directly on you device, subscribe now.

Nimin khan Sub-Headquarters YMA, Champhai thukhawm chuan Myanmar-a Mizo awmte thlavang hauhna thuchhuah an siam a. Champhai Thalai Pawl pawhin tih theih an nei a nih phawt chuan tanpui an inhuam tih an tarlang bawk.
Champhai Thalai Pawl chuan thuchhuah siamin, Myanmar rama unau leh thisen zawmpui zawng zawng te, harsatna nasa tak an tuar tih Champhai Thalai Pawlin an an hriatin pawi an ti tak zet a. Eng pawh lo thleng se, thlaphang lo tur leh, an unaute Mizoramah an awm tih hre reng turin an chah a. Champhai Thalai Pawl chuan an tan tih theih an nei a nih phawt chuan tanpui turin an inhuam tih lo hriatsak turin an hriattir a ni tih an thuchhuahah chuan an tarlang tel bawk.
Nimin vek khan Sub-Hqrs. YMA, Champhai chuan, Myanmar rama sipai tha chakna hmanga mipui sawrkarna an hneh chhuh chu pawi an ti tak zet tih an thuchhuahah an tarlang a.
Hemi avanga Myanmar-a awm Mizo uanaute chu harsatna tawk emaw humhim ngai emaw an awm a nih pawhin, tanpui tur leh an himna ngaihtuahpui turin an inhuam reng tih Mizo mipui zawng zawngte Sub-Hqrs YMA Champhai chuan a hriattir tih an tarlang.
Nimina Sub-Hqrs YMA, an Office, Tlangrawt-a thutkhawm hian Sub-Hqrs YMA, Champhai Conference vawi 7-na hman dan tur rel niin, inkhawmpui hi thla leh, March ni 19-ah, Champhai, Kahrawt Community Hall-ah hman ni se, tiin an rel a.
Inkhawmpui hi hri leng vanga tum dang anga hman theih a nih dawn loh avangin inkhawmpui-ah hian Sub-Hqrs YMA Office Bearers, Group YMA Office Bearers aiawh mi 6, Sub-Hqrs YMA SEC member zawng
zawng leh Sub-Hqrs YMA, Champhai huam chhung Branch zawng zawng aiawh mi 6 theuhte chauh kal thei turin an rel bawk a ni.
Nimina thutkhawmah hian kum 2021 chhunga thuthmun Branch YMA hruaitu tharte hlanna hun hman dan tur pawh rel a ni a. Kum 2021 chhunga thuthmun Branch YMA hruaitu tharte hlanna hun hi tun thla ni 18, karleh Ningani-ah, Champhai, Vengthlang Hall-ah hman ni se, tiin an rel bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More