𝗖𝗵𝗮𝗺𝗽𝗵𝗮𝗶 𝗸𝗵𝗮𝘄𝗰𝗵𝗵𝘂𝗻𝗴𝗮𝗵 𝗖𝗼𝘃𝗶𝗱-19 𝘃𝗲𝗶 𝗵𝗺𝘂𝗵 𝗯𝗲𝗹𝗵

Nimin khan Champhai-ah Covid-19 hri kai pakhat hmuh belh leh a ni.
Tunkar Thawhtanni-a hri kai hmuh chhuah – Champhai Vengthar a cheng, Lengpui a kalna-a a taxi hman khalhtu, mipa kum 25 mi, Champhai Venglai-a cheng chu Thawhlehni khan a sample endik ve nghal niin, hemi tum hian a result a negative a.
Nimin khan a sample endik nawn leh niin, hri a kai tih hmuhchhuah a ni ta a ni. Hri kai hmuh chhuah thar hi nimin vek khan Covid Care Centre-ah enkawl tura dahluh nghal a ni a. A chenpuite pawh anmahni inah khung hran nghal niin, a nupui pawh hri a kai leh kai loh enfiah turin nimin khan hruai a ni ve bawk a ni.
Dr. R. Lianmawia, CMO Champhai hnen atanga thu dawn danin, Champhai Vengthar-a mi hri kai hmuh chhuah atanga hnuchhui kalpui mekah nimina hri kai hmuh chhuah thar tih loh hi chu hri kai hmuhchhuah an la nei lo a ni.
Heti hian, Champhai dist.-ah hri kai mi hi 96 an awm tawh a. Mi 94 chu enkawl dam tawh niin, mi 2 enkawl lai an awm mek a ni.
Hetiang kan nih mek lai hian mipui te erawh kan fimkhur lo in kan in thlahdah tulh tulh bawk si. Keimahni himna turah Sawrkar in min ven reng theilo tih hria ila. Keimahni hi i fimkhur zel ang u.