𝗛𝗲𝗮𝗹𝘁𝗵 𝗠𝗮𝗻𝗮𝗴𝗲𝗺𝗲𝗻𝘁 𝗜𝗻𝗳𝗼𝗿𝗺𝗮𝘁𝗶𝗼𝗻 𝗦𝘆𝘀𝘁𝗲𝗺 (𝗛𝗠𝗜𝗦) 𝗰𝗵𝘂𝗻𝗴𝗰𝗵𝗮𝗻𝗴 𝗶𝗻𝘇𝗶𝗿𝘁𝗶𝗿

Sawrkar laipui Ministry of Health & Family Welfare hnuaia National Health Mission leh hriselna kawnga hmalakna leh hmachhawp awmte zirchianna kawnga hmanraw tangkai tak Health Management Information System (HMIS) chungchang inzirtirna chu Health & Family Welfare Department buatsaihin nimin khan I&PR Conference Hall, CHANEM Champhaiah neih a ni.
Health Management Information System (NHIM) hnuaiah hian tun dinhmunah Mizorama Sub-Centre (SC) 370, Primary Health Centre (PHC) 57, Urban Primary Health Centre (UPHC) 8, Community Health Centre (CHC) 9, Sub-District Hospital (SDH) 2, District Hospital (DH) 9 leh Private Hospital 14 te’n thla tin report an pe thin a. HMIS hi web based reporting system niin, internet hmangin (online data entry) HMIS Ministry web portal-ah thla tin Damdawi in hrang hrang – Sub District, District, State leh rampum huap te’n health services, thawktu leh hmanraw neih dante hun bituk chhungin an report thin a. Mizoram Sawrkar Health & Family Welfare Department chuan record leh report pek chungchangah hei hi rinrawla a neih a ni.
C.Vanlalsiamthara, Consultant, HMIS (State); Lalbiaksanga, State Data Manager leh CMO Office Champhaia thawk te’n zirtirna an pe a. Sawrkar Damdawi in hrang hrang leh Private Damdawi ina Medical Officer-te leh Block Accounts Manager te an tel a, HMIS kaltlanga report pek dante zirtir an ni.