𝗞𝗵𝘂𝗮𝗻𝗴𝗹𝗲𝗻𝗴 𝗭𝗼𝗻𝗲 𝗮 𝗕𝗮𝗹𝗹 𝗽𝗲𝘁 𝗹𝗲𝗵 𝗕𝗮𝗹𝗹 𝗯𝗲𝗻𝗴 𝘁𝗵𝗶𝗮𝗺

Khuangleng Zone Championship neih mek chu nimin khan Final khelin, a hmawr bawk fel a ni.
Khuangleng Zone Championship-ah hian Football leh Volleyball hmanga intihsiak a ni a. Khuangleng Zone chhunga khaw hrang hrangte an tel kim hle a. Nimin khan Football leh Volleyball Final khelh a ni a. Khual lian C.Hualrikhuma, CDFA President chuan, Football chu mi tam takin eizawn nan an hman tawh thu sawiin, player-te tan taimak leh insum theihna a pawimawhzia leh hmasawn zel turin a fuih a. Khuangleng Zone Football Association pawh theihtawp chhuaha Football ti nung zel tura chahin, CDFA hmalakna hrang hrang a tarlang bawk. CDFA chuan Khuangleng Zone Football Association chu tanpuina pawisa an hlan nghal bawk.
Volleyball final khelh hmasak niin, best of 5-ah Sazep khua-in Vangchhia lakah set 3 lain hnehna an chang a. Football final khelh chhunzawm leh nghal niin, Football final-ah Vanzau chuan a thlengtu Bungzung lakah 6-3 a hnehna changin an Champion bawk a ni.