𝗞𝗵𝘂𝗮𝗻𝗴𝘁𝗵𝗶𝗻𝗴 𝗟𝗼𝗻𝗲𝗶𝘁𝘂 𝘁𝗲𝗻 𝗛𝗺𝗮𝗿𝗰𝗵𝗮 𝗥𝘀. 𝗡𝘂𝗮𝗶 130 𝗰𝗵𝘂𝗮𝗻𝗴 𝗺𝗮𝗻 𝗵𝗿𝗮𝗹𝗵 𝘁𝗮𝘄𝗵

Get real time updates directly on you device, subscribe now.

Khuangthing Khawtlang chuan Hmarcha atangin Rs. Nuai 130 an hmu tawh.
Khuangthing khawtlang hian Covid 19 vangin ei leh bar lama harsatna an tawh loh nan Lo neih lamah nasa takin tan an la a. Hmarcha an thar chhuahte hi Nikum December thla laihawl atanga hralh tanin kumin, 2021 February ni 3 thlenga hmarcha hralh chhuah tawh atangin Rs. Nuai 130 chuang an hmu tawh a. An hmarcha hi Kg 1 Rs. 300-330 vela hralhin chhungkaw thenkhat chuan an la hralh chhunzawm zel a ni.
Khuangthing VCP Zothanpuia chuan, kumtina Lo nei thin chhungkaw 300
vel an awm thin a. An ramin a daih thin loh avangin an khuaa sorkar hnathawk leh khawsak harsa lo deuh chhungkua 100 chuang te chu tlawmngaia Lo nei lo turin an ngen thin tih a sawi a. Kan ramin hripui vanga harsatna kan tawh laia kan kut hnathawhte mal min sawm thin avangin Pathian hnenah lawmthu kan sawi nasat a tul a ni, a ti bawk.
Khuangthing khawtlang hian nikum khan Buh tin 23,089 leh Vaimim quintal 300 chuang an thar bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More