𝗟𝗮𝘄𝗿𝗸𝗵𝗮𝘄𝗺

𝗩𝗖 𝘁𝗲 𝗵𝗻𝗲𝗻𝗮𝗵 𝗻𝗴𝗲𝗻𝗻𝗮 𝘀𝗶𝗮𝗺
Champhai Dist. NGO Co-ordination Committee chuan Champhai khaw chhung leh a chheh vel VC tin hnenah ngenna an siam a.
Champhai Master Plan (Vision -2031) ruahman mekah, hmasawnna hrang hrang ruahmanna leh hmalakna daltu leh ti khawlhkham thei thila invenna turin Champhai Dist. NGO Co-ordination Committee chuan Champhai khaw chhung leh a chheh vel VC tinte chu In hmun lo-ram tumahin theh tawh lo turin an ngen a ni.

𝗗𝗮𝗻 𝗯𝗮𝘄𝗵𝗰𝗵𝗵𝗶𝗮 𝗽𝗮𝘄𝗵 𝗦𝗮𝗻𝗴 𝗮𝗻𝗴 𝗰𝗵𝘂𝗮𝗻𝗴 𝗲
Nimin khan Flying Squad Team ten Champhai-ah vantlang zinga hmai tuam lo mi 4 an man a, Champhai Police Station lamin mi 6 an man bawk a. Covid-19 No Tolerance Fortnight hman tan atanga nimin thleng khan Champhai District-ah dan bawhchhia mi 1065 man an ni tawh a, an pawisa chawi hi a vaiin Rs. 1,43,300 a tling tawh bawk.

𝗥𝘂𝗹𝗵𝗹𝘂𝘁 𝗹𝗮𝗸𝗮 𝗶𝗻𝘃𝗲𝗻𝗻𝗮 𝗻𝗶 𝗵𝗺𝗮𝗻 𝗱𝗮𝗻 𝘁𝘂𝗿 𝗻𝗴𝗮𝗶𝗵𝘁𝘂𝗮𝗵
Nimin khan DC Conference Hall, Keifangtlang-ah Addl.DC, R. Lalnghakliana hoin, Champhai District-a ram pum huap rulhut laka invenna ni – National Deworming Day hman dan tur rel a ni.
Nimin thutkhawmah hian Natioanal Deworming Day, tun thla Ni 22 leh 26 inkara hman dan tur leh Albendazole Tablet sem chhuah dan tur te rel a ni a. A hawnna hun, tun thla Ni 22-a hman dan tur chungchang rel nghal a ni bawk.
He hunah hian Dr. R. Lianmawia, Chief Medical Officer; TT Laltanpuia, District Education Officer; Dr P.B.Zodingliana, Senior Medical Officer; H.Lalhminghlua, Addl. DPC, Samagra Shiksha; Lalrinsiama, Assistant, WCD, Lalhminghlui, DEIC Manager (RBSK) leh CMO Office staff-te an tel a ni.