𝗠𝗶𝘇𝗼𝗿𝗮𝗺 𝗠𝘂𝘀𝗲𝘂𝗺 𝗵𝗺𝗮𝘀𝗮𝗯𝗲𝗿 𝗱𝗶𝗻𝘁𝘂 𝗣𝘂 𝗧𝗵𝗮𝗻𝘀𝗲𝗶𝗮 𝗹𝗶𝗺 𝗠𝘂𝘀𝗲𝘂𝗺-𝗮𝗵 𝗱𝗮𝗵

Mizoram-a Museum hmasaber – Govt. GM High School Museum dintu – Thanseia lim Museum-a hun hawnna hun chu nimin khan Govt. GM High School-ah hman a ni.
Thanseia lim hi a nupui Thankimi leh an tu leh fate ruahmannaa Museum-ah hian hun a ni a. Nimin chawhnu dar 1:00 khan a hawnna hun hi Govt. GM High School-ah hman niin, he hunah hian, tuna Govt. GM High School-a thawk lai leh pawl 10 zirlaite bakah, Govt. GM High School-a Headmaster hna lo chelh tawhte an tel a.
Thanseia nupui leh a tu leh fate hi an chhungte leh an thian thate’n an tawiawm a ni. Museum-a Thanseia lim dah hawnna hun hi tuna Govt. GM High School Headmaster ni lai, Upa HT. Vanlalsawma chuan a kaihruai a.
Thanseia nupui, Thankimi bakah, chhungkaw lam atangin thusawi leh inhmelhriattirna hun hman a ni a.
Headmaster lo ni tawhte hnen atangin thusawi ngaihthlak a ni bawk. Hemi hnu hian Museum-a Thanseia lim hun chu en ho a ni a, Thanseia chhungte lamin an buatsaih – ruai kil ho nghal a ni.
Thanseia hian kum 1955 – 1957 khan Govt. GM High school-ah hian zirtirtu pangngai hna thawk tanin, kum 1958 – 1976 khan Headmaster hna a chelh a. Kum 1977 – 1979 ah District Education Officer hna chelh lehin, Kum 1980 – 1988-ah Deputy Director of Educatuin hna a chelh leh a, kum 1989 – 1992 khan Joint Director of Education hna chu a pension thlengin a chelh zui a ni.
Thanseia hian kum 1968 khan Govt. GM High School Museum hi Mizoram-a Museum hmasa ber ni turin a din a. Amah hi zirtirtu chhuanawm tak niin, Kum 1978 khan National Teacher Award, chawimawina a lo dawng tawh bawk.