๐๐๐๐ ๐ฃ๐๐๐ ๐๐๐๐๐๐ง ๐ญ๐๐ช๐ ๐ง๐๐ก๐๐๐๐ ๐ญ๐๐ช๐๐ ๐๐ก๐๐๐ช๐ ๐๐๐ก ๐ง๐จ๐ฅ ๐ก๐๐๐๐๐ง๐จ๐๐ :
Nimina Champhai District Bawrhsap Maria CT Zuali hova thukhawm chuan Dan ang taka Champhai zawl Leilet hman tangkai leh humhalh dan tur chungchang an rel.
Bawrhsap Maria CT Zuali chuan Champhai Leilet zawl humhalh kawnga hmalakna thar thawh tum a nih thu sawiin, Covid-19 hrileng leh ramri khar chuan intodelh kan ngaihzia a tilang a, buh leh thlai kan thar theihna hmunte chu a theih chen kan humhalh tlat a ngai a ni, a ti a. Sawrkarin Leilet humhalh a tharthawh leh chu lawmawm a tih thu sawiin, Loneitute fuih thar leh a ngaih thu pawh sawiin, hlawhtling taka Leilet leh a chheh velte humhalh tur chuan kan zavaia thawhho a ngai dawn a ni, a ti bawk.
Rohmingthanga Colney, Director (Crop Husbandry) Agriculture Department chuan Leilet leh a chheh velte zirchiang a, humhalh a nih theihna kawnga hmala tura sawrkar tirha lokal an nih thu sawiin, buh leh thlai tharna tura buatsaih Leilet chu thil danga hman a rem loh thu a sawi a. Leilet zawlte uluk taka Survey neih a ngaih thu sawiin, hemi kawngah hian Land Revenue & Settlement Department nena intawiawm tlat a ngai dawn tih a sawi bawk. Buh leh bal tam zawk thar chhuak tura Sawrkarin hma a lak mek laiin Mizoram-a leilet hmun chu โThe Mizoram Land Revenue Act, 2013โ hmanga humhalh a tum a. Mizoram-a leilet thenkhat buh leh thlai chinna atan ni lova hman a ni hi Sawrkar chuan pawi a tiin tihtawp dan tur kawng a zawng mek a, hemi atana hma la tur hian Director of Agriculture (Crop Husbandry) Rohmingthanga Colney kaihhruaina hnuaiah Task Force din a ni a, Task Force hian an thil hmuh leh zirchhuahte sawrkarah an thehlut leh dawn a ni.
Nimina Champhai Bawrhsap hova meeting-ah hian, โThe Mizoram Land Revenue Act, 2013โ leh Sawrkar phalna ni lo thil dang atana hmante zawn chhuah a, dan bawhchhiate chungah a tul anga hremna lek ni se, tiin an rel a. Tun dinhmuna Champhai leilet zawl, buh leh thlai chinna atana hman mekte chu Agriculture Department leh Land Revenue & Settlement Department tangkawpa teh chhuah thar leh vek ni se, heng leilet zawlte hi buh leh thlai chinna atan bak thil danga hman a nih tawh lohna turin โThe Mizoram Land Revenue Act, 2013โ chu khauh taka kenkawh zui ni se, tiin an rel.
ย ๐๐ก๐ฆ๐๐ ๐ง๐๐ก๐ฃ๐จ๐๐ก๐ ๐ฆ๐จ๐ ๐ฃ๐๐๐๐๐จ๐๐ :
Champhai District chhunga UD&PA hnuaia Insak tanpuina dawngtu first batch te hnenah third Installment (Final Installment) pechhuak tura hma lak mek a ni.
Insak tanpuina dawng tur hi Champhai District-ah chhungkaw 968 thlan chhuah an ni a, first batch leh second batch ah then a ni a, first batch ah hian chhungkaw 898 an awm a, an zingah hian chhungkaw 594 te chu 2nd Installment thleng pek an ni tawh a, tunah hian third installment pe thei turin in sak tanpuina dawngtute hnenah Geo Tagging, (In sak thlalak) neih mek a ni.
In sak tanpuina pawisa dawng tur hian In sak ngei a ngai a, In an sa ngei a nih tih finfiah turin UD&PA Department chuan Geo Tagging neiin thla an la thin a. In an sa ngei a nih chuan Fund Release Order tihchhuah niin Bank kaltlangin In sak tanpuina dawngtu Bank Account ah pawisa hi thun thin a ni.
In sak tanpuina dawng first batch zingah installment hnuhnungber Third Installment chu pekchhuah turin hma lak leh mek a ni a. In sa pum tawhte hnena pek tur niin Veng hrang hrangah in sak pum a nih leh nih loh Geo Tagging neih mek a ni a. Geo tagging tih zawh hian pawisa pekchhuah a ni ang. Third Installment ah hian Cheng Sing 3 an dawng ang.
Hetihlai hian in sak tanpuina dawngtu second batch te hnenah pawh first installment pechhuak turin Geo Tagging tih a ni ve mek bawk a ni.
๐๐๐ก ๐๐๐ช๐๐๐๐๐๐ :
Champhai a Covid-19 No Tolerance Fortnight kalpui mekah dan bawhchhia mi 517 man an ni tawh. Nimin khan Police flying squad ten dan bawhchhia mi 4 leh Covid-19 Executive duty ten mi pakhat an man a, Champhai Police Station lamin man an nei lo thung.
Heti hian Champhai ah Covid-19 No Tolerance Fortnight dan bawhchhia hi mi 517 man an ni tawh a, dan bawhchhia te pawisa chawi hi a vaiin Cheng 68,000 a ni.
๐ฃ๐๐ช๐ ๐ ๐ง๐๐ ๐ง๐๐ก ๐ง๐ :
Champhai zawla loneitute chuan October chawlhkar 2-na atang khan buh an seng tan a, October thla chawhnu lam atangin khua-in a bumro avangin buh seng a tikhaihlak tan a. Loneitu thenkhat chu an buh a ngui hman hial a, buh zai tawh ruahin an buhphal a nan te an awm nual bawk. Kar hmasa atang khan khua tha chhovin buh seng runpui a thleng a, November thla chawhnu lamah chuan buh hi seng zawh hman beisei a ni. Kumin hian Champhai zawla buhte hi rannung in a eichhiat emaw buh natna in a tihchhiat hriat a ni lo va, loneitu tam zawk chuan nikum aiin an thar hlawk zawk a ni.
๐๐๐จ๐ก๐๐๐ฅ๐๐ก ๐ญ๐๐ง :
Champhai District-ah inkhung hrang mi 66 an awm mek. Nimin khan mi 12 ten khung hran hun hmang zovin an chhuak a, mi 5 an lut thar ve thung. Tuna inkhung hrang mek zinga 27 hi Sorkar khunghranna hmuna awm an ni a; in lama inkhung hrang hi mi 1 a awm bawk a, hri kai enkawl lai 38 nen inkhung hrangte hi mipa 55 leh hmeichhia 11 an ni.
๐๐๐ช๐ฅ๐๐ฆ๐๐ฃ-๐๐ก ๐ง๐๐จ๐ฃ๐๐ ๐๐๐๐จ๐๐ :
Champhai District Bawrhsap Maria CT Zuali chuan nimin khan thupek chhuahin, State pawn atanga rawn haw ni lo, Mizoram chhung atanga mahni khuaa haw te Covid Free Certificate lo dil tawh lo tur leh, mahni thua lo khung hrang tawh lo turin District mipui a hriattir a.
Khaw thenkhatah khaw dang atanga luh leh kalchhuah remti lo khua an awm tih hriat a ni a. Veng leh khaw bil inkharkhip leh hri kai hlauhawmna hmuna puan chungchangah pawh, thuenihna pek Chief Secretary leh District Bawrhsap te chauhin an puang thei tih a hriattir nawn leh bawk.ย
District Bawrhsap thupek dungzui hian Dr. R. Lianmawia, CMO Champhai chuan nimin vek khan hriattirna chhuahin, Mizoram chhung khaw dang atanga lo haw, Covid Free Certificate duh vanga sample test chu a remchang tawh dawn lo tih a tarlang.
Comments are closed.