𝗣𝗶 𝗭𝗼𝗿𝗮𝗺𝘀𝗮𝗻𝗴𝗶 𝗰𝗵𝗶𝗻 𝗹𝗮 𝗵𝗿𝗲𝗹𝗼

Kar hmasa Zirtawpni atang khan Pi Zoramsangi, kum 48; Pu Auringa nupui, Sialhawk khua chu chin hriat lohin a bo.
Sialhawk YMA hruaitute sawi danin – Pi Zoramsangi hi a chin an hriat theih hnuhnung berah chuan, Zirtawpni chawhma dar 11:30 vel khan Biate khua atangin mi scooty-ah chuangin Sialhawk-ah a kal a. Sialhawk daiah chhukin, kawng thlang lamah a peng a, heta tang hian chin hriat lohin a bo zui ta a ni.
Nimin khan Tuichangral North Group YMA huamchhunga Branch 4 – Sialhawk, Biate, Tlangmawi leh Riangtlei khuate chuan mi bo hi an zawng a; ruahman lawk ang chuan vawiin atangin Tuichangral North Group YMA hmalakna leh ruahman angin an Group huam chhunga YMA Branch hrang hrangte chu mibo zawngin an hnatlang ang.