𝗣𝗶 𝗭𝗼𝗿𝗮𝗺𝘀𝗮𝗻𝗴𝗶 𝗻𝗶 6 𝗰𝗵𝗵𝘂𝗻𝗴 𝘇𝗮𝘄𝗻 𝗮 𝗻𝗶 𝘁𝗮𝘄𝗵

Kar kalta Zirtawpni chawhnu atanga bo – Pi Zoramsangi chu ni 6 chhung ngawrh taka zawn a nih hnuah pawh nimin thleng khan hmuh a la ni lo.
Pi Zoramsangi hi Tuichangral North Group YMA ruahmanna angin zawn chhunzawm zel a ni a. Nimin, a ni 6 ni thleng pawh khan mibo hi hmuh a la ni lo a. Vawiin hian a ni 7 nan zawn chhunzawm leh tur niin, vawiinah hian hmuh a la nih loh chuan mipui nawlpui anga zawn chu an khua – Biate-ah a kharna hun hman zui a ni dawn a ni. Mibo zawnnaah hian Sialhawk leh Biate atangin ni tin mi 500 chuang ve ve an thawk chhuak thin a. Biate leh Sialhawk mai bakah, khaw thenawm atang pawhin bo zawng hi an thahnem thin hle a ni. Bialtu MLA, Home Minister, Lalchamliana leh Dy CM, Tawnluia-te chuan mibo zawnga
thawk chhuakte thingpui lumna atan Rs. Singkhat ve ve an pe a; mi thahnemngai tam takin mibo zawngte thingpui lumna tur hi an pe tawh bawk.