𝗥𝗔𝗴𝗧 𝗵𝗺𝗮𝗻𝗴𝗮 𝗧𝗲𝘀𝘁 𝗰𝗵𝘂𝗻𝗴𝗰𝗵𝗮𝗻𝗴

Rapid Antigen Test (RAgT) hmanga Covid-19 hri kai enfiah chungchangah tunlai hian hri kai hmuh chhuah loh a tam, tih thu hriat tur a awm nual a.
Hemi chungchangah hian District Integrated Disease Surveilance Officer Dr Samuel Laldinthara chuan, RAgT hi Covid-19 hrik hmuhchhuahna atan chuan RT PCR/Truenat te ai chuan a hniam zawk ngei a. Chutih rualin RT PCR pawhin Covid-19 hri kai si, hmuh loh pawh a nei tho a, tun dinhmunah chuan hri kai Za a za hmuchhuak thei khawp tura rintlak hi a awm rih lo.
Hetihlai hian hri kai enfiah hunbi dik tak hi a pawimawh hle a. Mizoram pawn atanga lo haw, entry point a test te hi an hri kaina a la rei loh chuan RT PCR pawhin hri kai lo angin a hmu ve thei tho dawn a. Chuvangin negative
result nei pawh Ni 10 quarantine zet hnua test that leh tur tih te pawh tih thar leh a ni. A hlawmpuia enfiah ngai ang chi-ah chuan ram changkang leh hausa zual pawhin RT PCR hi an tlin vek bik lo a, RAgT an ti lo thei lo ve tho a. He hri leng lakah hian mahni inven leh fimkhur thiam tluk hi a awm rih lo, tih a sawi bawk.