Champhai District Excise & Narcotics Enforcement Staff leh 8 Assam Rifles tangkawp chuan Thawhtanni zan khan Zokhawthar-ah Heroin Hawng 18 (Gram 237.5) leh a neitu-a puh an man a.
Thawhlehni chawhma khan Heroin hawng 5 (Gram 68.6) leh a neitu-a puh mi pakhat an man bawk. Champhai District Excise & Narcotics Assistant Commission, B.Zoliana sawi danin,
Heroin hawng 18 neitua puh hi Hnahthial Venglai-a cheng ni-a insawi, R.Lalrinkhuma, kum 35, s/o R.Thankunga a ni a. Thawhtanni zan dar 11 vel khan Zokhawthar bul, Tiau lui (ram ri) a kanpui laia man a ni.
Hei bakah hian, Thawhlehni chawhma lam khan Zokhawthar khaw chhungah Heroin Hawng 5 an man bawk a. A neitu-a puh Vanlalngheta, kum 41, s/o Vanhnuaithanga, Khawmawi (Myanmar)-a awm ni-a insawi chu man a ni bawk.
Heroin man zawng zawng Hawng 23 hlut zawng hi tualchhung hralhnaa chhutin Rs. Nuai 7 man a ni a. Ruihhlo neitu-a puh R. Lalrinkhuma leh Vanlalngheta hi ND &PS Act tlawhchhana thubuai siam sak nghal niin, Thawhlehni khan District Court-a hruai an nih hnuah Champhai District Jail-ah dah luh an ni.
Comments are closed.