𝗦𝗮𝘄𝗿𝗸𝗮𝗿 𝗵𝗻𝗮𝘁𝗵𝗮𝘄𝗸 𝗮𝗻 𝗻𝗶𝗵 𝗮𝘃𝗮𝗻𝗴𝗮 𝗮𝘄𝗹 𝗹𝗲𝗵 𝘁𝗵𝗮𝘄𝗸 𝗵𝗮𝗵 𝗹𝘂𝘁𝘂𝗸 𝘁𝘂𝗿 𝗮𝗻 𝗻𝗶 𝗹𝗼

FOCUS, District Management Unit (DMU) chuan nimin khan DAO Champhai Conference Hall-ah ‘Farmers Interest Group Revised Operational Manual’ chungchang
zirhona hun an buatsaih.
He hun hi District Project Manager, FOCUS, DAO ni bawk, George Lalthanngura chuan hmanpuiin, hna thawh reng tur awm lo mah se, hna an thawh lai chuan theihtawp chhuah tur an ni a. Sawrkar hnathawk an nih avanga awl lutuk leh thawk hah lutuk tur an ni lo tih sawi a; chutih rual chuan, mahni hna erawh chu tlin hle tur a ni, a ti.
Hei bakah hian, FOCUS leh Agriculture Deptt-a thawkte chu inen hrang lo turin a chah a; hna bik awm loa puih ngai an awm chuan inpuitawn zel turin a fuih a. An target group-te hre chiang tur leh an mize mila hna thawh chuan hlawhtlinna a thlen thin tih a sawi bawk. He hunah hian Master Trainer-te hnen atangin FIG kal dan tur leh kal phung thar zirtir a ni a. FOCUS DMU Champhai hnuaia hmalak tawhnate thlirletin hmalak zel dan turte sawi ho a ni bawk.