𝗦𝗶𝗮𝗹 𝗶𝗻 𝗹𝗲𝗵 𝘁𝘂𝗶𝗸𝗵𝘂𝗿 𝘀𝗶𝗮𝗺 𝗵𝗮𝘄𝗻𝗴

0

Get real time updates directly on you device, subscribe now.

FOCUS Project kaltlanga Sial In sak leh tuikhur siamte chu nimin chawhnu khan Er. Lalzorama SE, Champhai Power Circle chuan hman theih turin a hawng.
Khual lian Er. Lalzorama chuan, pipute hun ata tawha ran ngaih hlut ber – Sial vulh kawnga Lianpui khuate hmalakna chu fakawm a tih thu sawiin, Sial chuan Mizo- te nunah hmun pawimawh tak a luah tlat tih a sawi a.
AH&Vety Department leh Lianpui khuaa Sial vulhtute thahnemngaihna kaltlanga Sial vulh kawnga hmasawnna ruhrel duhawm tak siam chu tangkai taka hman a nih theihna tura duhsakna hlanin a hawng a ni.
Dr. B.Zonghinga, DVO Champhai chuan Sial vulh chu eizawnna tlak a nih thu leh, Sial chu Mizo thinlungah a beh tlat avangin a hralhna lamah harsatna a awm loh thu a sawi a. Second installment chu pek chhuah leh mai tura buaipui mek a nih thu leh, harsatna awm leh mamawh angte Sawrkarin a ngaihven reng tih a sawi bawk. He hun hi C. Sangthuama, Chairman, Sial Vulh Society, Lianpui chuan a kaihruai a. Lianpui khuaah hian Sial vulh chhungkaw 11 awmin, Sial 120 an enkawl mek a ni.

Leave A Reply

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More