𝗨𝗽𝗮 𝗣𝗮𝘄𝗹 𝘁𝗲𝗻 𝗮𝗻 𝗸𝘂𝗺 25 𝘁𝗹𝗶𝗻 𝗹𝗮𝘄𝗺

Get real time updates directly on you device, subscribe now.

Nimin khan MUP New Champhai Branch chuan kum 25 an tlin champha lawmna leh an pawl In thar hawnna hun an hmang.
New Champhai Branch MUP hi kum 1996-a din niin, nimin kha kum 25 an tlin champha a ni a. Nimina lawmna hun an hmannaah hian, an pawl In thar hawnna hun an hman hmain kum 25 an tlin champha lawm nan mi 25-in dar an vaw ri hmasa a ni. Hemi hnu hian an pawl In thar hawnna hun hmang zui nghalin, Khual lian RL Peka, District Horticulture Officer chuan a hawng a. Khual lian chuan, MUP-te chu zahawm leh ropui a tih thu sawiin, chhiatni thatni-a an intawiawm dial dial thinte chu an fakawm a tih thu a sawi a. Kum upate chu pawl hrang hrangah pawh thurawn pe tura mi tangkai tak an la nih zel thin avangin, an pawl In thar chu ram kalsiam tura kum naupang leh pawl naupang zawkte thurawn tha tak tak an pekna hmun a lo nih theihna turin duhsakna a hlan a, an pawl tanpui nan Rs. 50,000 a hlan bawk.
Nimina hun hman hi PC Laldingliana, Branch President chuan kaihruaiin, MUP, Champhai District hruaitute bakah, New Champhai VC, MHIP leh YMA hruaitute’n an telpui a; hun hman zawh hian a lawmna ruai kilho
nghal a ni bawk. New Champhai Branch MUP-ah hian member mi 124 awm mekin, kum 80 chung lam mi 6 an awm a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More