๐—ญ๐—ถ๐—ฟ๐˜๐—ถ๐—ฟ๐˜๐˜‚ ๐—ป๐—ฒ๐—ถ๐—ต ๐—ฏ๐—ฒ๐—น๐—ต ๐—ฎ๐˜ƒ๐—ฎ๐—ป๐—ด๐—ถ๐—ป ๐˜‡๐—ถ๐—ฟ๐—น๐—ฎ๐—ถ๐˜๐—ฒ ๐—น๐—ฎ๐˜„๐—บ

0

Get real time updates directly on you device, subscribe now.

Tuipuiral Zirlai Pawl (TZP) chuan an Bial chhung High School paruka thawk tur zirtirtu pakua lak an nih avangin lawmthu sawina thuchhuah an siam.
Tuipuiral Zirlai Pawl chuan, Bialtu MLA, Ramthanmawia thahnemngaihna leh thawhrimna vanga East Tuipui bial chhunga High School paruk – Govt. Oriental High School (Leisenzo), Govt. Khawbung High School, Govt. Vanzau High School, Govt. Chhaktiang High School, Govt. Thanchhuma High School leh Govt. Samthang High School-a thawk tur zirtirtu pakua, SEDP hnuaia lak an ni chu lawmawm an tih thu an thuchhuahah an tarlang a.
Bialtu MLA bakah, Chief Minister Zoramthanga; Education Minister,ย  Lalchhandama Ralte leh L Thangmawia, Vice Chairman, Human Resources Development Board-te chungah lawmthu an sawi bawk a ni.
Hei bakah hian, zirtirtu indaih lohna avanga harsatna an tawh thinte sutkian a nih theih nan te, an bialin zirna lama mite an umphak ve theihna tur leh, zirlaite hmakhua ngaia theihtawp chhuaha Bialtu MLA-in hma a lรขksakna zarah Tuipuiral huam chhunga School hrang hrangte pawhin zirtirtu tha
tak an neih belh zel a. Zirlai naupang chauh ni lo, bial mipui pawhin hmasawnna an neih phah ngei an beisei tih an tarlang bawk.

Leave A Reply

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More