𝗭𝗼𝗸𝗵𝗮𝘄𝘁𝗵𝗮𝗿𝗮 𝗵𝗿𝗶 𝗹𝗲𝗻𝗴 𝗺𝗲𝗸𝗮𝗵 𝘃𝗮𝘄𝗸 25 𝗯𝗼𝗿𝗮𝗹 𝘁𝗮𝘄𝗵

Get real time updates directly on you device, subscribe now.

Ni 3 chhungin Zokhawtharah Vawk 25 a thi a, Rapid Antigen Test hmangin African Swine Fever vanga thi a ni tih hmuhchhuah a ni a, chiang zawka finfiah turin RTPCR hmanga endik leh a ni ang.
Dr. B Zonghinga, DVO Champhai sawi danin AH & Vety Dept-in report an dawn danin May ni 9 atangin Zokhawtharah hian Vawk thi a awm tan a, Report an dawn bawhzui hian nimin khan Rapid Response Team on ASF, Champhai District atangin Vety Officer pahnih, Dr. Lalrinhlui, Dr. MS Dawngliana leh thawktu dangte chu Zokhawtharah hian kalin, Vawk thi ruangte hi an enfiah a, Rapid Antigen Test hmanga an sample endik-ah African Swine Fever vanga thi a ni tih hmuhchhuah a ni a, chiang zawka RTPCR hmanga finfiah turin sample te hi Special Messenger hmangin vawiin hian thawn leh a ni ang.
Niminpiah leh nimin inkarah vawk thi 16 a awm a, ni thum chhungin vawk thi hi 25 an awm a ni. Vawk thi ruang hi damdawi hmanga sawngbawlin phum nghal vek a ni a. Vawk thi te hi vawk Farm 2 a thi te a ni a, Zokhawthar khawchhung bikah vawk hri hi a lut em tih erawh hriat a la ni rih lo thung.
DVO Dr. B Zonghinga chuan, Vawk natna hri a vei za a zain an thihpui, African Swine Fever vangin Mizoram chhungah vawk 1764 a thi tawh tih sawiin, Khawzawl District-ah pawh vawk 43 lai a thih tawh a. Nimin lama Zokhawtharah ASF vanga thi ni ngeia hriat vawk thi 25 a awm avangin Champhai Bawrhsap thupek ang a, District dang leh khaw dang atanga vawk laklut lo tur te, veng leh khawdangah pawh vawk phur kual lo turin mipui te a ngen a.
DVO chuan Vawk vulhtute chu an vawk in te mi dang tlawhpawh tir lo tura ngenin, vawk damlo an nei a nih chuan a dahna a hrana siam turin a ngen a. Vawk in leh a vel te damdawi hmanga tithianghlim fo tura chahin,
Vawk thi a awmin mahnia phum bo mai lo va, AH&Vety Dept hrilh hmasa tur leh Vawk damlo hralh chuak lo turin mipui a ngen bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More