Categories
News

Champhai – Tualchhung Chanchinthar ni 12.3.2018 (thawhtanni)

ZOKHAWPUI ZIRLAITE RILRU NA :
MZP Headquarters, Champhai chuan Inrinni khan Emergency Meeting kovin Zophai, Bairabi a thil thleng chungchang an (www.champhai.net) ngaihtuah a. MZP hruaitute leh anmahni thlawptu mi thenkhat ten Assam sipai kut an tuarin siali hial hmetpuaka kah hliam an awm hi MZP Headquarters, Champhai chuan pawi a tiin, mahni ram chhunga a ram leilung faten hnamdang kut kan tuar chu na an tih thu an sawi a. Hetih rual hian Mizoram sawrkar chu ZOram leilung (www.champhai.net)  fate thlavang hauh turin an ngen tih thuchhuah siamin an tarlang a. MZP Headquarters Champhai chuan Champhai zirlaite leh mipuite a tul huna ram tana che chhuak thei turin an sawmin a ngen bawk a ni.

MISS MIZORAM HMUAK DAWN :
Zonet Cable TV in Miss Mizoram 2018 a thlan zawh taka pakhatna nihna hauhtu T. Ramtlanmawii, N. Khawbung chu vawiin hian N. Khawbungah a haw dawn a.  (www.champhai.net) Hemi denchhen hian Champhai Jt. NGO chuan Upa Darthangvunga Traffic Point, Vengthlangah amah hmuah leh lawmna hun hman an tum.

VENGTHLANG SIPAI UNAUTE RATU-AH :
Salvation Army Vengthlang Crops te chuan nimin Pathianni hmangin Ratu Corps an tlawh a. Vengthlang Corps te hian kum 2018  (www.champhai.net)  Acion Plan atan Vengthlang Corps atanga Officer chhuakte tlawh nise an ti a. Tun tumah hian Lt. John Zonunmawia s/o  C. Lalhuapzauva CSM Vengthlang North, Ratu a awm mekte an tlawh ani.

VAI DAP :
Nizanhmasa khan MZP Hqrs. Champhai chuan DySP hoin Champhai khawpui chhung leh a chheh vela vaite fang kualin pawn chhuaklo turin an ti a, vai pawn chhuakte zawn a ni bawk. Bungrua leh kuhva rah phur truck te pawh chesawn lo (www.champhai.net)  turin an ti a, Zotlang to Police Check Gate inkarah a khawma awm tir an ni. Heng hnam dang chunga khuahkhirhna an lan tir hi, ram humhim an duhzia leh tanrualna lantirna a ni tih hriain Champhai (www.champhai.net)  mipuite thlawp turin an sawm a ni.

VAWIIN TUIALHTHEI DINHMUN :
Petrol Rs. 69.42 (1 litre)
Scooty 3-lts
Biake/Auto 5-lts
Car 10-lts
Gypsy 15-lts
Diesel Rs. 61.12 (1 litre)
Tata/Super Ace 10-lts
Sumo/207/PickUp 15-lts
407/709 30-lts
1109/Truck 50-lts
Truck lian 70-lts
Oil hi a bura dawh hrim hrim phal a ni lo a, semrual dan hi ni khat atan zel ani a. Dawh nawn phal ani lo a, dawh nawn hriatchhuah an nih chuan ni dangah pek an ni lo ang.