Categories
News

ATMA hnuaiah Famers Scientist Interaction nei

Inrinni khan ATMA Champhai District bultumin I&PR Conference Hall, CHANEM-ah Farmers
Scientist Interaction programme neih a ni.
He hunah hian vaimin eichhetu pangang Fall Armyworm chungchang ICAR Scientist, Kolasib atanga lokal te nen zirho a ni. Dr. Saurav Saha, Scientist, Agriculture Physics chuan FAW enkawl dan chungchang zirtirna neiin FAW chu Loneitute’n awlsam zawk a an thunun theih dan te sawiho nghal a ni.
Hemi hnu hian Awareness Campaign neih chhunzawm nghal a ni a, rannung thahna hlo DDT chu a thih theih loh avangin mihring ei tur thlai enkawlna atan a him lo tih te, DDT hian mihring taksaa natna chi hrang hrang, Cancer te a thlen theih thu tarlan, a ni a Thlai chinna tur chu chemical hmanga sawngbawl lo tur te, mithiamte’n tih dan tur an tih leh hman tura tha an tih chauh hman hian thlai tan a him a, natna lakah a him tih te sawilan tel a ni bawk.
Huan sir kuala be lam chi chin kual chu Fall Army Worm laka thlai himna a nih thu te ngaihthlak niin, he pangang hian thlai nem lam a ei thin avangin be lam chi hi a chang a, zinchianna atangin he pangangin tui a neih hian huan sir kilah te be lam an chin chuan a tui chu vaimim lamah thli in a
len tur a veng a, an ei theih a awm loh avangin chutah chuan an tawp tawp mai thin tih te, pangang hian thlai chi 80 vel an bawm thei a, vaimim a awm loh chuan Fu ah an tuan deuh ber ni a tarlan a ni bawk. Programme zawh hnuah Chhungte khua a Vimim chinna hmunah te kalin, Fall Armyworm beih hnu vaimim enkawl dan zirtir an ni.