Categories
News

SILAI MAN

SILAI MAN :
Champhai Police leh 8th Assam Riffles Champhai  tangkawp te chuan Silai AK 47 pathum leh Magazine 3 an man.
Nimin zing dar 3 vel khan Champhai Police te leh 8th Assam Rifles te’n Samthang khuaah Joint Operation an nei a. Keilianthanga Kum 52 s/o Satina (L) Dihai khua, Myanmar a cheng ni a insawi hnen atangin Silai AK 47 leh Magazine 3 te hi an man ta a ni.
Keilianthanga hi tunkar Thawhtanni Samthang khuaah kalin a khan  silai kawlte hi a zuar kual
a, nimin zing dar 4 vel khan a thlen inah Champhai Police leh 8th Assam Rifle te hian a bag chhunga a dah AK 47 3 leh Magazine 3 te hi an man a, Magazine-ah hian Silai mu erawh a awm tel lo thung. Keilianthanga hian heng a silai kawlte hi nikuma a lo vahnaa a chhar niin a sawi a, kum 10 liam ta vela an khua Dilhai-ah VC a nih laiin hel pawl tlanchhia a lo mikhual tawh a, hmanrua engmah keng lovin an tlanchhe chhunzawm zel a, an hmanrua te an thuhruk ngei ringa a lo zawn tawh thu leh heng a silai kawlte hi helho thuruk a nih a rin thu sawiin, Samthang khuaah lei duh an awm ringin a zuar ta niin a sawi.
Silai kawltu Keilianthanga hi Champhai Police
Station-ah Arm Act hnuaiah thubuai siamsak a ni a, nimin khan a hriselna endik a nih hnuah District Court ah hruai-a ni a. Champhai Police te leh 8th Assam Rifles-te tangkawp silai man hlut zawng hi Cheng Nuai 15 man vel a ni.