Categories
News
MIZORAM RAMNGAW ZAT VE HI CHAMPHAI AH A AWM :
Environtment, Forests & Climate Change Dept Champhai buatsaihin nimin khan Executive Committee meeting of Champhai FDA (GIM&NAP) neih a ni. 
He meeting I&PR Auditorium CHANEM Building-a neih hi Lalduhthlana, DFO Champhai chuan a kaihruai a, thusawiin India rama ramngaw chhinchhiah hnuhhung ber 2017 a lan dan chuan Mizorama ramngaw chhah tha Sq km 131 chauh a awm tawh thu leh, Kum 2 dana record thinah tun hnai tum 5 record-ah Mizoram chu a hniam zawnga a kal zel thu sawiin, 30% pawh ramngaw kan neih tawh loh thu a sawi bawk. Champhai bikah chuan Ramngaw chhah tha
Sq km 56 a awm thu sawiin, Mizorama ramngaw chhah tha awm zinga a zat ve deuhthaw Champhaia a awm chu a lawmawm rualin tun hnai kum 2 chhung lekin Sq km 78 ramngaw hloh a ni chu pawi a tih thu a sawi bawk.
Lalduhthlana, DFO Champhai chuan ramngaw
siam belh leh venhim kawngah Sawrkar laipui
chuan theihtawp chhuaha hma a lak mek thu sawiin, ramngaw 5 Million Hectare siam belh tuma hmalak mek a nih thu leh, ramngaw  awmsa te venhima tih zauh tum mek a nih thu a sawi a. Mipui leh Sawrkarin ramngaw siam belh leh venhim kawngah thawh hona tha tak neia tanrual a pawimawh tih a sawi a. Sawrkar laipuiin ramngaw siam belh kawnga State,  District leh Village level-a hmalak dan tur a duante a tarlang bawk. He meeting- ah hian Champhai District chhunga ruahmanna te thlirho niin Sawrkarin Dept hmalaknaa Plantation leh Nursery siamte thlir ho
a ni bawk.