Categories
News

DIL LOH MALSAWMNA ZOKHAWTHAR-AH

DIL LOH MALSAWMNA ZOKHAWTHAR-AH :
Zokhawthara sipai tirhluh chungchangah Zokhawthar VC leh NGO te chuan thuchhuah a siam.
An thuchhuahah chuan, 8th Bn. Assam Rifles hmalakna avanga Zokhawthar kaltlanga Myanmar nena insumdawn tawnna bungraw thenkhat chu September 7, 2019 atangin kalphung pangngai anga kal phal a ni lo va. Zokhawthar mipui tam zawkte hi sumdawng bungraw lo lut leh chhuak behbawma inhnangfak an ni a. Mi tam tak eizawnna a tawp, an ti a.
Hetianga boruak a awm avang hian Khawtlang hruaitute leh Assam Rifles Post Commander nen pawh vawiduailo inbiak a ni a. Hetihlai hian nimina Dy DSP Hqrs. te, Champhai PS (Thana) OC leh Officer dang eng emaw zat chu, Khawzawl IR Battalion sipai Section hnih, mi 60 lai chu ralthuam famkimin Zokhawthar ah hian an duty tih an sawi a.
Zokhawthar khawtlang hian Sipaite thu awiin, bungraw kai an remtih loh leh an phal lohna hmun atangin engmah an ti ngai lo va. Tha taka inbiain harsatna an sawiho thin zawk a.
Hetiang hi boruaka nih mek lai a, Information diklo pe a, sum leh tha tam tak sengso va, Zokhawthar khaw mipui nungchang ang lo tak titlang thang a, ralthuam famkim nena luhchilh an ni ta chu tha lo an tiin pawi an ti hle a. Sorkar hnena report diklo petu hi zawng chhuak a, a tul anga Action la ngei turin thuneitute an phut bakah, Mizoram Sorkar hmalakna chu a rang thei ang bera sut lehnnghal turin an ngen tih an tarlang an ti hle a.