Categories
News

EXAM QUESTION SIAM DAN TUR ZIRTIRNA

EXAM QUESTION SIAM DAN TUR ZIRTIRNA 
Nimin khan I&PR Auditorium, Champhai-ah Mizoram Board of School Education (MBSE) buatsaihin Champhai District chhunga High  Schoolleh Higher Secondary School zirtirtute tan Training on Question Setting Technique tih thupuia hmangin nikhat awh training buatsaih a ni.
Training-ah hian MBSE siam kum 2020 Board Exam atana hman tan tur scheme of Examination and Question Design bakah Integrated Evaluation Scheme (IES)
Software update thar leh software mannual chungchang zirtirtute hi zirtir an ni á. Resource Person C.Laldinpuia, Senior Academic Officer leh Jonathan Lalrinmawia, Academic Officer, MBSE te’n zirtirtu kalkhawmte hi an zirtir a. Mizoramah Board Exam pass parcetage kum tinin a sang mah se, Mizo zirlaite India ram hmun dangte leh ram pawna zirlai dangte nena an inelnaah  atithalo leh ahniam zawkah an tang leh fo te; keini aia chhung lehkhathiam tlem zawkna
state te’n Central service exam-a an ti tha fo te hi Mizoramah quality education kan neih that tawk lohzia tilangtu nia an hriat thu an
sawi a. Zirchianna hrang.hrang neih hnuah exam-a.zawhna set dan hian pawimawhna thuk tak a neih thu.leh zirlaite leh zirtirtuteah nghawng nasa tak a nei tih hmuhchhúah ani tih tarlan a ni. MBSE pawhin kum 2020 HSLC leh HSSLC exam atanga hman turin exam dan kalphung leh zawhna zawh dan thar a duang a, hemi.zulzui hian kumin atangin zirtirna pawh kalpui mek.a ni tih tarlan a ni bawk.
Content-based question atanga competency
based question tam zawk zirlai naupangte tana chhawp chhuah niin, hei hian an ngaihtuahna hman thiam kawngah te, an hmalam hun atan leh school-a zirna kalpui danah thazawka nghawng a neih beisei a ni tih an sawi bawk. Training-ah hian IES Software tha lehzuala thuam that chu a hman dan sem nghal a ni.