Categories
News

FAINA HIAN THIANHLIMNA LEH RILRU HRISEL A SIAM

FAINA HIAN THIANHLIMNA LEH RILRU HRISEL A SIAM :
Poshan Abhiyaan, National Nutrition Mission hnuaia Nutrition Month hman mek zelah nimin khan District & Block Level Poshan Abhiyaan Convergence Committee hmalakna-in School Based event chu Dinthar Primary School ah neih a ni a. He hun hi WC Zorammawii, Child Development Project Officer chuan kaihruaiin line department dangten he hun hi an hmanpui bawk.
WC Zorammawii, CDPO, ICDS Project chuan
Nutrition pawimawhnate, tui in tur thianghlim a pawimawhna te sawiin, nitina nun honaah pawh faina leh thianghlimna hian rilru hriselna leh taksa hriselna a siam thin tih zirlai naupangte a hrilh a. Poshan Abhiyaan hnuaiah hian India ram puma piang buk zang te, naupang thanthu te, chaw tha ei tur tlakchhamna te a lo kian theih nan leh, thisen  tlakchhamnaavanga nu leh naupangten harsatna an tawh sut kian nan hma lak mek a ni tih a sawi bawk. WC Zorammawii chuan, Tui thianghlim chauh in thin turin zirlai naupangte a chah a, ei tur thianghlim chauh ei a, ei turte tho bawm theih loha chhin phui tlat turte leh, thil ei dawn leh ei zawhah sahbawn nen kut fai taka sil thin turin a chah bawk.
C.Lalramengi, District Programme Manager NHM, Champhai hnen atangin taksain a mamawh ei tur leh a pawimawhna te
bakah ei tur inbuk tawka ei dan turte ngaihthlak a ni a. Taksa hriselna tichhe thei thil ei lo turin zirlaite a fuih bawk. He hunah hian Zirlai naupangte’n thisen an ngah tawk em? tihte endiksak an ni bawk.