Categories
News

WORLD BANK KAWNGIN MELBUK HEL DAWN

WORLD BANK KAWNGIN MELBUK HEL DAWN :
World Bank sum Rs 137 Crores hmanga Champhai leh Zokhawthar inkar Double Lane Highway laih mekah, Melbuk khawtlangin an khua tlawh ngei se an duh vanga helai kawngpui sial hnathawh khaihlakna thleng chingfel turin nimin chawhnukhan DC Conference Hall-ah hemi chungchang  ngaihtuah hian thutkhawm ni a.
Champhai DC Dr Naveen Aggarwal kaihhruai
he thutkhawmah hian World Bank kawng kalna tura lo ruahman lawk tawhsa angin, Melbuk khaw chhung paltlang lovin kawngpui hi an khaw hnuaiah kaltlang turin an ti ta a ni.
Champhai Zokhawthar Double Lane Highway kal dan tura duan lawkah, kawngpui hian  Melbuk khua tlawh lovin,  an khaw  hnuai  (dai)a kal turin kawngpui pawh laih lawk ani tawh a  Melbuk khawtlang chuan Kawngpui-in an khua paltlang ngei se an duh vanga an theih ang anga hmangin, an khaw tawpla atanga kawngpui pawh tur hian Kilometer khat dawna thui (Society kawng)an cheibawl ve mek bawk a. Melbuk khuaa tlawh ngeina tura an hmalakna pakhatah, Kawng siamtu Tarmat chu an khaw hnuai Km 2 chuanga thui (Champhai atanga Km 16.5 atanga Km 18.8 inkar) kawngpui cheibawl lo  turin  an ti a.  Melbuk khawtlang hmalakna changchawi hian he kawng siamtu Tarmat Company chuan an hna thawh mek chu eng emaw chen an chawlhsan phah nghe nghe a ni.
Nimin thutkhawm thutlukna siam danin : 1) Melbuk kaltlanga kawngpui kaltir thil tih theih a nih loh vangin kawngpui kalna tura duan tawhsa angin (khaw0hnuaiah) a kal ang a. 2)Melbuk Thlanmual atanga0khaw chhung luhna hi World0Bank sum hmanga District0Highway tiata cheitha-in, 3.75 meter a zau a Black Top tura tih a ni thung. 3) Melbuk  khaw hnuaia kawngpui pawh tura Km 1 zet kawng siam nan hian World Bank sum a
pawhpen theih dawn loh vangin he kawng siamna tur sum ruahman tur hian Mizoram sorkar-ah dilna siam a ni ang.
He World Bank kawngpui laih hna hi kum 5 chhunga zawhfel tura tih niin, kum 2015 khan
hna thawh tan a ni a. Kum 5 chhunga zawhfel
hman-a nih dawn loh vangin kum khat dang
hun pek belh a ni a. He kawng laihna tura sum
Rs. Vbc. 137 atangin Rs Vbc. 50 chuang hmanral ni tawhin, kawngpui siam hna 70% zet chu zawhfel tawh ang a chhut ani thung.
Nimin thutkhawmah hian Addl. DC leh Addl. SP, Melbuk khawtlang hruaitu te, Tarmat hotu te, World Bank hnathawktu te, PWD Project Implementing Unit te, Police hotu te, YMA Sub-Hqrs. leh MJA Champhai District hruaitute an tel a ni.