Categories
News

𝐃𝐀𝐌 𝐓𝐀𝐊𝐈𝐍 𝐇𝐌𝐔

𝐃𝐀𝐌 𝐓𝐀𝐊𝐈𝐍 𝐇𝐌𝐔 :
R.LaIrotluanga, Kum 27 s/o R.Lairemmawia, Champhai Bethel Veng chu Thawhlehni khan a thianpa nen Champhai Tlangsam rama Pauithin an zawn laiin chin hriat lohin a bo zui a.
Nimin khan Tlangsam ram Muallungthu-ah dam taka hmuh a ni. R.Lalrotluanga’n Champhai Police hotute hnena a sawi danin, Thawhlehni khan a thianpa nen Zokhawthar an kal hnuah Tiau luidung zawh chhovin, Tlangsam ramah Pauithin an zawng nghal a. Ram palailengah khua in a thim hnan vangin mi thlamah an riak dun a. A tuk nilenga Pauithin zawng chhunzawma an kal hran deuh avang leh thim dawn thlenga in-au pha lova an awm bakah an Mobile phone Battery a down vanga hman theih a nih tak loh vangin zanah in lam panin a haw san a. Hemi zan vek hian Bethel khawtlangin R.Lalrotluanga zawnga an thawh chhuah leh hnunpawhin an hmu ta chuang lo va.
Nimin khan Bethel, Tlangsam leh Vengthar khawtlang te chuan zawn chhunzawm lehin, chawhma dar 11:00 vel khan Tlangsam ram chhung Muallungthu ramah dam taka hmuh a. Hetia mibo hmuh a nih takah hian venthawn thila Champhai Police-ten R. Lalrotluanga thianpa an hren pawh hawtir nghal a ni a. R.Lalrotluanga pawh nimin khan Champhai District Hospital-ah a hriselnate endik a nih hnuah an chenna inah hruai hawn a ni.