Categories
News

π—–π—›π—”π— π—£π—›π—”π—œ-𝗔𝗛 𝗣𝗔𝗛𝗒𝗦𝗦 π—žπ—”π—Ÿπ—£π—¨π—œ 𝗔 π—‘π—œ 𝗗𝗔π—ͺ𝗑

π—–π—›π—”π— π—£π—›π—”π—œ-𝗔𝗛 𝗣𝗔𝗛𝗒𝗦𝗦 π—žπ—”π—Ÿπ—£π—¨π—œ 𝗔 π—‘π—œ 𝗗𝗔π—ͺ𝗑 :
Parking House. Support Scheme (PAHOSS) hmalaknaa ruahmanna siamtu ber Parking House Committee chuan niminkhan Chief Minister Zoramthanga hovin CM Cabinet Meeting Room ah a vawi li-na atan an thukhawm a. PAHOSS hmalakna kalpui mekte an thlirho bakah chak zawka hmalak dan tur an sawiho a. Champhai leh Lunglei-a Parking House Scheme kalpui turin
ruahmanna Γ‘n siam. Meeting-ah hianΒ  Β  Β  Β  Β  Β PAHOSS hnuaiah remchan dan anga government leh semi-government building te pawh rin luh tura ruahman a ni a. PAHOSS hmalakna chu chak zawka kalpui a nih theih nana beneficiary te hnena installment pek dan te sawiho a ni bawk. Nimin meeting-ah hian huam zau zawka he hmalakna ni kalpui a nih theih Champhai leh Lunglei a Parking House Scheme
kalpui chungchang leh, district capital tin a kalpui theih dan tur ruahmanna siam tura tel a ni. Parking House Logo insiamsiak, I&PR Department in a buatsaih a entry te thlirho a ni bawk.
Tun PAHOSS hnuaiah hian a vaiin dilna 1225 lut tawh zingah 838 chu enfiah tawh a ni a. Beneficiary 140 chu pawm tawh an ni a, beneficiary 29 hnenah first installment pek tawha ni
Hetihlai hian, kumin Independence Day lawmna Champhai-a hmanpuitu,
Champhai South Bialtu MLA, Transport Minister TJ Lalnuntluanga hnenah MJA dinhmunah Champhai District chuan, Champhai khawpui thang zelah mipui harsatna thleng thei tur sutkianna kawng khat atan PAHOSS hi Champhai-ah kalpui ve anih theihna turin ngenna an lo thlen a. Hetianga MJA Champhai District ten Champhai mipui tana an ngenna tihhlawhtlin a nih theihna tura Mizoram sawrkarin hma a la hi lawmawm an tih thu an sawi a ni