Categories
News

𝗦𝗔𝗣𝗛𝗨 π—žπ—”π—ͺπ—₯ 𝗠𝗔𝗑

𝗦𝗔𝗣𝗛𝗨 π—žπ—”π—ͺπ—₯ 𝗠𝗔𝗑 :
Kar kal ta Zirtawpni khan EF&CC Deptt, Champhai Forest Range staff te leh 8th Assam Rifles, Champhai te inkawpa join operation nei chuan tlai dar 4:00 vel khan Tlangsam thlanmualah Saphu kawr, Kg 29.80 an man.
Saphu kawr an man hi tualchhung hralnaa chhutin Cheng 4,50,000 man vel a ni a. Saphu kawr hi hralh an tum lai man a ni a, a hralh tumtu bera puh, Khuplianthanga S/o Ginzakhama,Vengthar, Champhaia cheng chu man nghal niin a lakah thubuai siam a ni a. Heihlai hian Court holiday kar a lo nih avang te, investigation la zawh fel loh vang te leh amah hi Vengthara in leh
lo neia chhungkuaa cheng nghet, tlanbo mai lo tur a nih avangin PR bond sign-tirin in lama a hawn phalsak a ni a Nimin khan Khuplianthanga lakah hian Champhai District Court-ah Complaint thehluh a ni a, amah pawh man nghal niin Champhai District Jail-ah dahluh a ni a. Khuplianthanga te lam hian bail an dil a, amaherawhchu he thu buatsaih lai hian Court-in bail hi a remtih leh tih loh hriat hman a ni lo.
Champhai RO, Thanliana Hauhnar hnen atanga thu dawn danin Saphu (Pangolin) hi The Wild Life (Protection) Act, 1972 hnuaiah Scheduled-l ramsa a ni a. He ramsa tihhlum leh chumi kaihhnawiha dan bawhchhia te chu thiamloh chantir an nih chuan kum thum (3) thleng Jail-a tang tura hrem emaw, Pawisa Rs. 25,000 aia tlem lo chawitir emaw, a pahniha inkawpa hrem theih a ni.