Categories
News

JAIL TANG TUR AIA TAM TANG

JAIL TANG TUR AIA TAM TANG :
Champhai District Excise & Narcotics Department chuan kumin January atanga September thla chhung khan Heroin Gram 2655.110 leh Methamphetamine Mum 56964 an man tawh.
Heng ruihhlo bakah hian rakzu Litre 5034 leh Zu bilhlai Tin 2035,  Beer Can 1581,  Sap Zu Um 252,  Dawidim Kg 417 leh Zu bilhna bungbel 159 an man tawh bawk. Champhai District Excise & Narcotics Assistant Commissioner Pu B. Zoliana chuan  tunlai hian Heroin Hawng khat hi RCheng Singli vel man anih thu leh ruihhlo ngai an tam thu a sawi a. Methamphetamine mum khat hi Rs 150 atanga 250/- vela hralh anih thu tarlangin,  ramri depah Methamphetamine tih ching an awm meuh lo ni a a hriat thu a sawi a.  Kumin chhunga Champhai District Excise & Narcotics in Ruihhlo, Zu leh a kaihhnawih an man hlut zawng hi Rs Nuai 183 Sang hnih Zaruk leh sawmriat a nih thu a sawitel bawl.
Kumin chhungin Champhai District Excise & Narcotics Department in Zu leh ruihhlo kaihhnawih-ah lirthei 20 man telin,  ND & PS Act tlawh chhana mi 68 an man zinga mi 60 lakah thubuai an ziahluh tawh bakah MLP Act tlawh chhana mi 144 an man rualin,  mi 156 lakah thubuai an ziaklut tawh bawk.
Champhai District Jail-ah Lung in tang 174 awm mekin,  District Jail in a dawn theih bak aia tam tang khung khawm mek anih thu District Jail Superintendent Pu Zosangliana hnen atanga dawn anih bakah tuna Lung in tang mek zinga tam ber hi ruihhlo thubuai nei an ni a.  District Jail-ah anih tur aia tam tang an awm vang leh tang zingah thubuai rip tak tak awrhtu an awm tel bawk avangin Tang enkawlna kawngah leh Jail himna thleng pawha nghawng aneih theih thu
Superintendent chuan a sawilang bawk.