Categories
News

MIDDLE SCHOOL FOOTBALL TOURNAMENT

MIDDLE SCHOOL FOOTBALL TOURNAMENT :
Reliance Foundation Youth Sports leh CDFA te tangkawpin an buatsaih Middle School Football Tournament chu nimin khan tan niin Pu C. Hualrikhuma, President CDFA chuan a hawng.
Pu C. Hualrikhuma chuan middle school zirlai rual te chu India rama Academy tha tak tak te duhzawng tak an nih avangin mi hrang hrang an lo kal tawh thu tarlangin Champhai naupang 10 lai Academy hrang hrangah lak an nih tawh thu a tarlang a, heng an lak te hi pawl 12 an pass hma chuan an awmna hmuna school tha ber te zing ami ah zirna pek an nih thin thu a sawi a, tun tum tournament ah pawh chu chu an kawng tur a nih thu a sawi a, thei tawpchhuah a khel tura duhsakna hlanin Middle School Football Tournament hi a hawng a ni.
He hun hi Lalremsiama, Asst. Secretary kaihhruainaa neih niin he tournament a an kalphung tur tlangpui a tarlang a ni.
Tournament ah hian school 19 te an tel thei a ni. Hawnna hun hman zawh atangin Tournament hi khelh tan nghal niin inkhel hmasa ber ah Bethel Mission School leh Vengsang Middle school an inkhel a, inkhel vawi 2 naah Ruantlang MS leh Pine Hill MS te an inkhel a, inkhel vawi 3 naah BC English Academy leh Holy Mission School te inkhelin, inkhel hnuhnungber ah Vengthlang MS leh Hmunhmeltha MS te inkhel ve leh a ni.
He tournament hi live a Reliance hmunpui Mumbai ah pekthlak nghal zel niin Reliance hmunpui atang hian uluk taka lo thlir in Reliance Academy a lut tur an lo thlang dawn a ni. Tournament atan hian Reliance chuan a hranin lawmman a siam lova, CDFA chuan Champion leh Runners Up te tan lawmman a siamsak thung dawn a ni.