Categories
News

PLASTIC HMANGLO TURIN HMALA

PLASTIC HMANGLO TURIN HMALA :
RD Department, Khawzawl leh PHE Sub-Division, Khawzawl tangkawp bultumin nimin khan Swachhata Hi Seva hnuaiah Presbyterian English School, Khawzawl zirlaite tan Plastic Free Campaign buatsaih a ni. Plastic Free Campaign, PES Khawzawl zirlaite tana buatsaih hi Lalbiakthuama, UDC, BDO Office, Khawzawl in kaihruaiin
Lalnunfela, SDO, PHED, Khawzawl in Plastic that lohzia hi zirlaite hnenah a sawi a. Lalnunfela chuan Plastic hi thil tawih ral mai thei lo a nih vang te, Plastic thenkhat siamnaah mihring tana tur hlauhawm tak tak hman tel a nih vang te in mihringte tan leh kan chenna leilung tan hian Plastic hian that lohna tam tak a nei a ni, a ti a.
Plastic chu ram changkang zawkah te an khap hnuah tunah hian Mizoram khawpui ber Aizawlah pawh khap a ni tan ta a. Khawzawlah pawh Plastic that lohna hriaa hmalak chhoh a tul tih
sawiin, Plastic hmanga thil siam te kan hman tlem a, Plastic aiah thildang tawih ral thei te kan hman uar a tul a ni, a ti. Plastic kan hman tlem deuh deuh theihna turin zirlai naupangte chu Plastic hlauhawmzia hre turin hrialhfiah an ngai tih a sawi a. Mihirng tana Plastic hlauhawmzia hi an
chhungte leh an thiante hnenah sawi tam turin zirlai kalkhawmte chu a chah zui bawk a ni.