Categories
News

A VAWIKHATNAN CHILDREN’S DAY ROPUI TAKIN HMANG

A VAWIKHATNAN CHILDREN’S DAY ROPUI TAKIN HMANG :
Naupangte pual hapta hmannakal zelah nimin khanbDistrict Child Protection Unit leh District Legal Services Authority, Champhai tangkawp buatsaihin, Children’s Park, Kahrawt-ah Champhaia a hmasa ber tur Children’s Carnival chu buatsaih a ni.
Children Carnival hawnna hunah hian Rex
Zarzoliana Vanchhawng, Superintendent of Police Champhai chu khual lian niin Children Carnival hi a hawng. Lalrochami Ralte, Chief Judicial Magistrate chu khualzahawm niin   Champhai Bawrhsap SL Naveen, IAS chu Carnival Pa, Father of Carnival a ni.
Khuallian Rex Zarzoliana Vanchawng chuan Children Carnival hmang tura kalkhawm, naupangte chu hlim fo thin tur leh thuawina nunpui thin turin a chah a. Nakin lawka ram leh hnam innghahna tur mipuitling tak tak ni thei tur chuan taima taka lehkha zira tul a ni tiin, naupangte chu zirna ngaipawimawh hmasa fo turin a chah a ni.
Carnival Pa Champhai Bawrhsap SL Naveen pawhin thu sawin, naupangte hmakhua ngaia an tana ennawm leh infiamna hun buatsaih a ni chu lawmawm a tih thu sawiin, he hun hmang tura kalkhawm naupangte chu an puala hun tha siam chu hlim leh nuam ti taka hmang turin duhsakna a hlan a ni.
Nimin Children’s Carnival hi naupangte laka hleilenna hrang hrang thleng thinte ven a nih theihna tur tinzawna buatsaih niin, kum 2000 atang khan he ni hi hman tan a ni a. Naupangte’nban naupan lai nunte hleilenna tel lovahlim taka an hman hi an dikna leh chanvo a ni tih lantirna tura he Carnival hi buatsaih a ni a. Children’s Carnival-ah hian naupangte tan infiamna leh ennawm hrang hrangte chhawpchhuah a ni a, an hlimpuiin an hlawkpui hle.
He hunah hian official leh naupangte enkawl leh venhim kawnga thawktute an tel a. Naupangte pual hapta hmanna kal zelah naktuk, Ningani hian I&PR Auditorium, CHANEM Building-ah ngaihsak leh duat bik ngai naupangte pualin hun hman a ni bawk ang.