Categories
News

CHAMPHAI NULATE FINAL LUT

CHAMPHAI NULATE FINAL LUT :
Nimin khan MFA buatsaih Inter District Women Football Tournament semi final chu khelh zawh a ni a. Champhai district leh Aizawl district ten Final an lut.
He tournament hi Siaha khawpui-ah khelh a ni a, semi final hmasa zawkah Aizawl district chuan a thlengtu Siaha district chu 1-0 in an hneh a, semi final hnuhnung zawkah Champhai district hian Kolasib district chu 1-0 bawkin an hneh a. Champhai district team hi coach Lalfakzuala ho in Siaha ah hian an kal a, Pool match ah Lawngtlai dist leh Siaha district hnehin pool champion ni chungin semi final an lut a. Semi final-ah team tha bera ngaih leh champion tura rin Kolasib district nulate hnehin final an lut ta a ni.
Final luhna goal hi captain Lalhmangaihzuali, Dinthar in minute 20-naa a khung a ni. Champhai hmeichhe team hian hnehtu an la tawng lo mai ni lovin tun dinhmunah an goal hi an la venghim vek rih a ni. Final hi naktuk chawhnu dar 2:00 ah khelh a ni ang.