Categories
News

CHHUNGKAW 2 LUAHLAI IN KANGRAL

CHHUNGKAW 2 LUAHLAI IN KANGRAL :
Inrinni zan dar 7:30 – 8:00 bawr vel khan
Champhai Kahrawt Veng, Dawrkaikawn ah Assam type in, chhungkaw pahnih luahlai chu bungraw engmah chuh hman lohin a kangral a, vanneihthlak takin thi leh hliam an awm lo.
Kangmei chhuah chhan hi hriat a ni lo va, Artui leh Petrol zawrhna Dawr atanga kangmei hi intan nia hriat a ni. Mei hi a chak avangin mi in luaha cheng mek, Pu Thansanga te in a kan hian bungrua engmah chuh hman a ni lo va, an in hnuaia Thingzai zawrhlai remkhawm erawh vanneihthlak takin a kangchhe lo thung. Hetihlai hian Pu Thansanga te nena bang insi renga awm, mi in luaha khawsa mek Pu Hrilliana in pawh bungrua engmah chuh mumal hman lohin a kangkai nghal bawk. Kangmei chhuak hi hriat a nih ve leh mi tlawmngaiten a theih ang angin thelh an tum nghal a. Kangthelh motor pahnih ten in kanna hmun an thlen zui ve bawk avangin in dang kangkai zel lovinzan dar 9 vel khan thelh mih a ni.
Champhai Police hotute sawi danin, he kangmei chhuak avang hian bungrua Cheng Nuai thum hu vel a kangral a. District Disaster Management & Rehabilitation chuan sorkarin kal dan. phung a neih sa anga hmalak a nih tur thu an sawi.
Kahrawt veng inkang chungchangah VC leh NGO hrang hrang thukhawm chuan in sak pui nghal mai rih loh ni se, an ti a. Sawrkar lama tanpuina awm theite dap phawt a, Veng chhungah YMA hmalakna in vehbur khawn ni se, henga kan pawisa hmuh khawm hmang hian In neitu te leh In luahtu te hnenah pawisa faia pek mai ni se tih a ni a. Nimin lama tanpuina pawisa an dawn atangin Chhungkaw hnih, engmah chuh hman lo ‘ten hakthlak leh mut bu hmanhnawh thlak zual an lei nan pek chhuah phawt a ni a. Tanpuina petu veng chhung leh pawn atanga pawl leh mimal
chungah VC leh NGO hruaitute chuan lawmthu an sawi a ni.