Categories
News

LEGAL AWARENESS TRAINING NEI

LEGAL AWARENESS TRAINING NEI :
Nimin kan Champhai Forest Division leh Khawzawl Wildlife Division Staff te tan Legal Awareness Training neih a ni a, Lalrochami Ralte, Chief Judicial Magistrate, Champhai chuan khual lian niin a hmanpui.
Thu sawiin khual lian Lalrochami Ralte chuan India Danpui Article 48 leh 51 (a) in mitin te chu Ramngaw humhalh tur leh Environment chhe tur veng tura a phut thu a sawi a, Forest
Deptt a thawk an nih vang ringawt a ramngaw humhalh tur ni lovin khua leh tui an nihna anga an tih tur pawimawh tak a nih thu leh mitin tih tur a ni tih a sawi a ni. Wildlife Act leh Environment Act te hian kan ram chhe mai tur leh chereu mai tur a veng. Ramsa, thing leh mau te humhalh tura Dan hrechiang a, an hna hlen zel tura a duh thu a sawi. Nungcha humhalh kawngah Kohhran leh Khawtlang
anga hmasawnna leh hmalakna awm chu lawmawm a tih thu a sawi. Global Warming avanga buaina leh harsatna nasa tak an
tawh mek thu a tarlang a, sik leh sa danglam avanga chhiatna a thlen zel lohna tura tan lak a tul thu te, ramngaw leh nungcha humhalh kawnga dan bawhchhetute chu an phutawk hremna an hmuh theih ngei theihna tura a tawp thlenpui thin a pawimawh thu a sawi bawk.
He hun hi I&PR Auditorium hnuaia neih niin C.Rosiama, Honorary Wildlife Warden, Champhai District chuan a kaihhruai a.
Lalduhthlana, DFO chuan Dan chungchangah inzirtirna hi an lo neih fo tawh thu sawiin, ramsa, danin a humhalh lo kaptu emaw
pawi khawihte hremna dan hriatchian chu thawktute tihmakmawh a nih thu a sawi a. Champhai Forest Division hnuaiah post 82 a
awm laiin tunah hian thawktu mi 42 chauh an
awm a, an ram enkawl hi Sq. km. 3200 lai a nih avangin an indaih loh thu leh tan lak a ngaih bik zia a sawi tel bawk.
He hunah hian VL Chama Ralte, Sub Inspector, Champhai DEF hnen atangin Forest, Wildlife, Forest Fire leh a kaihhnawiha Police a FIR the chungchanga Forest Department Staff te tana hriat tur leh tih tur pawimawhte bakah sawrkar hnathawk dan bawhchhiate hrem theih dan te ngaihthlak a ni a. T. Lalthafamkima, Advocate hnen atangin heng Forest, Wildlife, Forest Fire leh a
kaihhnawih chungchanga Court a Complain thehluh dawn a hriattur leh Complain a hlawhtlin theih nana tih ngai pawimawh tak tak te ngaihthlak niin, PC Lalchandama, DFO Khawzawl Wildlife Division hnen atangin The Wildlife protection Act, 1972 chungchang

ngaihthlak a ni bawk.