Categories
News

PISA TIH FAI ZUI ZEL TUM

PISA TIH FAI ZUI ZEL TUM :
Nimin khan Champhai District Court te chuan Sawrkar Pisa fai inelnaa lawmman pahnihna an lak lawmna hun an hmang.
He hun hi R.Lalnunpuia, District Court Staff Welfare President chuan kaihhruaiin, R. Vanlalena, Addl District & Session Judge chuan kumin chhung District Court chhungkua atangin chhiat vawi 4 lai an tawh thu a sawi a, lungngaihna tawk mah ila Pathian kaihhruaiin hlimna ni kan tawng leh thei a ni, a ti. Sawrkar Pisa fai inelnaa pahnihna an lak theih chhan tarlangin a hunlaia District Court Staff te tanna leh an thahnem ngaihna chu fakawm a tih thu a sawi a, Office dang ang lo takin District Court chu mi chi hrang hrang punkhawmna a ni a, felfai tak tak an awm laiin tawphnawk ve tak takte awmkhawmna hmun a nih avangin an tan chuan fai a harsat thu a sawi a.
Chutichunga lawmman pahnihna la thei khawpa Staff te tanrualna chu fakawm a tih thu a sawi a, tha thlah lova faina kawngah pawh hma la zel turin a sawm a. Chanem Building a an insawn hunah phei chuan nasa lehzuala faina kawngah hma la in
Champhai mipui tan faina kawnga an entawn nih an tum tur thu a sawi a ni.
R.Vanlalena chuan misual kalkhawmna leh tleirawl awmtha duhlo te fuankhawmna hmun nia an sawi hmun chu Champhaia hmun hmuh nuam ber leh thianghlim berah siam an tum tih a sawi a, mipuite’n
an thlir thup an la nih tur thu a sawi bawk. Sawrkar thu angin faina hi an buaipui ringawt a ni lo va, High Court-in faina a ngaihpawimawh thu leh thlatin faina kawngah report an pek thin thu a sawi a ni. He hunah hian MJA aiawhin Lucas Thangmangliana chuan lawmpuina thu a sawi hnuah lawmna ruai an kilho a ni.