Categories
News

PRIMARY ZIRTIRTUTE INHMUKHAWM

PRIMARY ZIRTIRTUTE INHMUKHAWM :
Nimin khan Mizoram Primary Teachers’ Association Councillor Meeting vawi 36 na chu Champhai Parish Hall, Chhura Hmunah neih a ni.
He Meeting hi C.Biaknghinglova, President MPTA Gen. Hqrs chuan kaihhruain, school naupang 150 awm tlin lohna school ah chuan Headmaster awm theih loh tih chungchangah Mizorama school tam tak chu school naupang 150 nei tling lo an nihavangin ngaihtuah tha tura sawrkar an biak thu leh Chief Minister Zoramthanga pawh an bia tih a tarlang a. C.Biaknghinglova chuan State Award for Teacher 2019 dawngtu Rochami, Headmaster Rev. Thianga P/S Bethlehem Vengthleng hnenah chawimawina a hlan hunah hian R.Pensionthanga, Vice President, MPTA Gen. Hqrs ni. He kaihhruaiin member boralte sunna hun hman niin, MPTA member mi 15 te sun an ni 2018-09 chhungin zirtirtu pension 126 an awm a ni.
Hriat theih chinah an pawl Dan bu a Financial Rule siam that an rel a, Primary School a Electric Bill hi Tui bill anga a free theihna atan hmalak ni rawh se tih te, Primary School zirlaibu hi Mizo hnam mila siam tha tura hmalak ni rawh se tih te, Aizawl Khawpui chhunga SDEO pathum, an area intiat lo lutuk chu siamtha tura sawrkara thlen thu te an pass a. Mizoram Primary Teachers’ Association Councillor Meeting-ah hian member 147 te chu Mizoram chhunga District hrang hrang patangin an kalkhawm a ni.