Categories
News

SANGHA KHAWI DAWN ZIRHO

SANGHA KHAWI DAWN ZIRHO :
Nimin chawhma dar 10:30 khan Champhai District Fisheries Development Officer Office bultumin Khawzawl Vengthar YMA Hall-ah Tuichang A/C huamchhunga Sangha khawitu mi 50 leh Lengteng A/C huam chhunga Sangha khawitu mi 50 te tan Sangha khawi tura hriat tur pawimawh hrang inhrilhfiahna buatsaih a ni.
Nimin Training hi Champhai DFDO Lucy Lalrinpuii’na kaihruai a. Training hawnna thu sawiin Lucy Lalrinpuii chuan, Sangha khawitu kalkhawmte chu Training an neih chu hmang tangkai tum a, Mizerama Sangha thar chhuah tisangtute zinga tel ngei tum turin a fuih a. State pawn atanga Sangha lakluhte a lo tlem zel theihna turin Sangha khawitute chu tan la sauh sauh – turin a fuih a. Department hrang mithiamte pawh rawn hreh lo tura chahin Sangha khawitute tan an Department chu an inkau reng tih sawi a ni.
Nimin Training-ah hian Lalmalsawma, Fisheries Demonstrator in Dil enkawl dan chungchangah zirtirna pe a. Lalchhuanawma, Assistant Fisheries Officer in Sangha chaw pek dan leh a tangkaina a zirtir a. K. Lalrinmawia, Fisheries Extension Officer in Champhai District a Sangha khawi nasat ber leh khawi tam ber,  Common Carp note thar chhuah dan zirtirna a pe bawk a ni. Nimin Training  buatsaihah hian mithiamten zirtirna an pek zawhah zawhna leh chhanna hunte an

hmang ho nghal a ni.