Categories
News

SUMO IN MI PAKHAT NUNNA LA

SUMO IN MI PAKHAT NUNNA LA:
Inrinni chhun dar 12:15 vel khan
Champhai Zotlangah lirthei, Sumo-in mi panga a su a, mi pakhatin nunna a
chan bakah midang pahnih an hliam.
Champhai Police hnen atanga thu
dawn danin, Sumo MZ04/4486 khalhtu leh neitu ni bawk, Lalhmangaihsanga, kum 35 s/o Pu Lalhlia (L), hian zu a rui hle a, New
Champhai leh Zotlang inkar World Bank kawng siamtu Tarmat Company-a hnam dang mi pahnihte chu a sut hnuah a tlan tlang a, hemi hnu hian Champhai Zotlang Dawr kawn kawngsira Taxi ding chu hnawlin, Taxi leh dawr inkara lo thu, Pu C. Khawllianthanga chu dawr bang nen a sutchilh a, ka pawh chhawn
lohin Pu C. Khawllianthanga, Kum 55 s/o Upa Chalchhunngura, Mualkawi tuna Mualkawi Presbyteiran Kohhran a Tual Upa nilai mek chu a boral zui nghal a, Pu C. Khawllianthanga bula lo awm Pu Laikunga Ex VCP, Champhai Zote leh a nupui Pi Lalvangi te pawh hnawl telin Damdawi In a enkawl zui ngai khawpin an awm a ni.
Lirthei khalhtu hi mipui thinrimin
kut an thlak nat hmain, Champhai Police-ten rang takin an la nghal a. Mipui thinrim pungkhawm chu Police ten bengdaih tuma theih tawp an chhuah chungin, mipuiten lirthei hi leilet zawlah nawr sawnin, an hal zuí nghal a. Police leh khawtlang hruaituten mipui thinrim an bengdaih theih tak avangin thil duhawmlo erawh a thleng zui lo.
Champhai police ten pawi khawihtu Sumo driver, Lalhmangaihsanga, kum hi  rang taka lain Champhai Police Station an  thlenpui a, Champhai District Jail ah dahluh nghal a ni.  Mualkawi mipui thinrimin Champhai Thana hi pan khawmin pawi khawihtu hmuh an beisei a, boruak ṭha lo awm lovin mipuite hi an ṭin darh ta a ni.
Pu C. Khawllianthanga ruang hi Inrinni khan District Hospital Champhai ah Postmortem nghal niin ni 9.2.2020 (Pathianni) khan vuiliam a ni.