Categories
News

Ni 29.8.2020 (Inrinni)

๐—ฉ๐—œ๐—Ÿ๐—Ÿ๐—”๐—š๐—˜ ๐—–๐—ข๐—จ๐—ก๐—–๐—œ๐—Ÿ/๐—–๐—ข๐—จ๐—ฅ๐—ง ๐—ง๐—›๐—Ÿ๐—”๐—ก๐—ก๐—” ๐—ง๐—Ÿ๐—จ๐—”๐—ก๐—š ๐—ง๐—”๐—ž๐—” ๐—ญ๐—”๐—ช๐—›๐—™๐—˜๐—Ÿ ๐—” ๐—ก๐—œ ๐—ง๐—”:
Champhai District chhunga khua leh veng 62-a Vote tla te nimin zing lam khan chhiar zawhfel a ni a. MNF in VC seat 282 awmah seat 163 an la a, khua/veng 38-ah sawrkarna an siam a; Congress in seat 66 an la a, khua/veng 7-ah sawrkarna an siam a; ZPM in seat 38 an la a, khua/veng 3-ah sawrkarna an siam bawk.
Kum 5 chhunga roreltu tur, Village Council Member inthlan chu Ningani khan. tluang taka neih zawh a ni a,. Champhai District chhunga Vote 50,453 awmah za zelah 75.03 a tla a. Vote nei mipa 24,623 zingah mi 18,670 (Za zelah 75.82) ten Vote an thlak a, Vote nei hmeichhia 25,830 zingah mi 19,183 (Za zelah 74.26) te’n Vote an thlak ve bawk a ni.
Vote nei 618 awmna North Khawbung Village Council-ah Vote tla tha berin za zela 91.10 a tla a; mipa 280 leh hmeichhia 283, mi 563 ten Vote an thlak a. Vote nei 1085 awmna Champhai Electric Veng chu vote tlak chhiatna ber niin, za zelah 65.53 a tla a, mipa 313 leh hmeichhia 398, mi 711 ten Vote an thlak a ni.
District Election Office in report an dawn danin Champhai District chhungah Voter 128 awmna Zawngtetui chuan Vote thlak zo hmasa berin tlai dar 2:00 velah Vote
thlak tur an awm tawh lo va. Vote nei mi 1360 awmna Tlangsamah Vote thlak zo har berin zan dar 8:50-ah Vote an thlak zo thei a ni.
Champhai South huam chhunga VC 20 awmah MNF chuan VC 11-ah sawrkarna an siam a, VC 2 ah seat awm zawng zawng an la vek a. INC in VC 2-ah Sawrkarna siamin VC-1 ah Seat awm zawng zawng an la ve bawk. ZPM in VC 2 ah sawrkarna an siam a, Independent in Chhungte-ah sawrkarna an la bawk a. VC 4-ah Sawrkarna siam thei an awm lo va, Kelkangah MNF leh INC in seat 2 la ve ve in, ZPM in seat 1 an la a. Tuipuiah MNF, INC leh ZPM in seat 1 theuh an la a. Vengtharah INC in seat 2, Independent-in seat 2 leh MNF in seat 1 an la a, Zokhawtharah MNF leh Independent-in Seat 3 an la ve ve a, INC in seat 1 an la ve bawk.
Champhai North huam chhunga VC 23 awmah MNF chuan VC 16-ah Sawrkarna siamin VC 6-ah seat awm zawng zawng an la vek a. INC in khaw 5-ah sorkarna siamin Murlenah Party Candidate awm lovin Independent-in seat 3 an la vek a. Vaparah sawrkarna siam thei an awm lo va, MNF in Seat 2, ZPM in Seat 2 leh INC in seat 1 an la bawk a ni.
East Tuipui bial huam chhung VC 25 awmah MNF in VC 16-ah sawrkarna an siamin khaw 7 ah seat awm zawng zawng an la vek a. ZPM leh INC tangdunin khaw 5 ah sawrkarna siamin, ZPM, INC leh IND tanghovin khaw 1-ah sawrkarna an siam bawk a. INC leh ZPM mal dinin khaw 1 ah sawrkarna an siam ve ve a; Samthangah Sawrkarna siam thei awm lovin Seat 5 awmah MNF in Seat 2 lain INC, ZPM leh Independent-in seat 1 theuh an la a ni.
Champhai District chhunga VC 62-ah MNF chuan VC 38-ah sawrkarna an siam a, INC in VC 7 ah sawrkarna an siam a; ZPM in VC 3-ah sawrkarna siamin ZPM leh INC tangdunin VC 5-ah sorkarna an siam a. Independent in VC 2-ah sorkarna siamin ZPM, INC, Independent in VC 1-ah sorkarna an siam a, VC 6-ah sorkarna siam thei an awm lo thung.
Champhai District-a VC thlan tharte hian thla thar, September ni 4 ral hmain anmahni bialtu Returning Officer-te hnenah in-report-in, VC siam fel tura beisei an ni.
๐—Ÿ๐—œ๐—ฅ๐—ก๐—š๐—›๐—œ๐—ก๐—š ๐—œ๐—ก ๐—ž๐—›๐—”๐—ช๐—–๐—›๐—›๐—”๐—ž ๐—ง๐—Ÿ๐—”๐—ก๐—š๐——๐—จ๐—ก๐—š ๐—™๐—”๐—ก๐—š ๐—Ÿ๐—˜๐—› :
Ningani tlai dar 5:37 pm khan lirnghing magnitude 5.3 a nรข-in Tuipuiral leh a chheh vel a sawi leh a. Chhiatna lian tham, mihring thi leh hliam awm lo mah se, lirnghing sulhnu hmun hrang hrangah hmuh tur a awm.
Kar 2 dawn zet lirnghingna tham hriat a nih loh hnuah Ningani tlai dar 5:37 khan lirnghing 5.3 magnitude-in Tuipuiral tlangdung leh a chheh vel a sawi leh a. Dar 6:16 pm-ah 3.6 magnitude leh dar 6:47-ah 4.1 magnitude-in a nghing zui leh nghal a ni. National Center for Seismology-in a tarlan danin heng lirnghing vawi thum inzรขwnte hi a nghinna hmun epicentre inhnaih tรช tรช Zawlsei rama Mau Mual, Ro Mual leh Khawbung rama Sasaw tlangdungah chhinchhiah a ni a. Nimin zing dar 6:27 khan Thekte kai Tiau lui kamah 3.3 magnitude a nain a nghing leh bawk a ni. Heng bakah hian khawlin a chhinchhiah phรขk loh vawi 5 vel mihring thut hmun atanga fiah taka hriat theih a nghing bawk a ni.
Khawbungah chuan a hmaa lirnghing hnuhma la hmuh lohna mimal inah ban, beam leh bang khi thar a awm nual a. Pu C.Lalhmunsanga lungrem chimin Salvation Army Officer Quarters in chung kailรขwn a khi chat nual a, Hlakungpui panna kawng sir-a lei khi hmuh tur awmin Khawbung khaw ep Puanvawrh khamah lung lum thawm ring tak hriat a ni a, ral atanga khรขm chim leh leimin thar hmuh tur erawh a awm lo.
Samthangah Biak in ceiling hnung lam a chhia a, TV tla keh, pindan bang a then chhia, lirnghing hnuhma neihsa brick bang rem chim, kau belh, lei khik belh a awm nual a. Vaphai khaw luh dawna kawngpui lirnghing tihkhรฎk tawh chu Centimeter 2 vela zauin a khik belh a, mimal in leh lungrem lirnghingin a tih hmelhem a awm bawk. Khaw hrang hrangah chhuara thil dah a sawi tlรขk leh lirnghing hnuhma lian tham lo hriat tur a awm nual a. Mihring hriselna a nghawng, zawi vek, khawng leh hlau thlabar deuh reng mi tlem azawng hriat tur an awm bawk.
๐—ž๐—›๐—จ๐—ก๐—š ๐—›๐—ฅ๐—”๐—ก 39 ๐—Ÿ๐—” ๐—”๐—ช๐—  :
Champhai district-ah mipa 30 leh hmeichhia 9, an vaiin mi 39 khunghranna hmunah an la awm mek a. DPRC Institutional Quarantine Centre, Keifangtlangah mipa 14 leh hmeichhia 5, mi 19; Tourist Lodge, Champhai-ah mipa 14 leh hmeichhia 3, mi 17; Dedicated Covid Health Centre-ah mipa pakhat leh Recovery Ward Dedicated Covid Health Centre-ah mipa 1 leh hmeichhia 1 an la awm mek a ni.
๐——๐—”๐—ก ๐—•๐—”๐—ช๐—›๐—–๐—›๐—›๐—œ๐—” :
Ningani khan Champhai District chhungah inkharkhipna dan bawhchhia man an awm lo va, Mizoram pumah dan bawhchhia hi mi 55 man niin, an pawisa chawi tlingkhawm hi Rs. 10,700 a ni.
๐—ž๐—›๐—”๐—ช๐—ญ๐—”๐—ช๐—Ÿ ๐—ฉ๐—– ๐—œ๐—ก๐—ง๐—›๐—Ÿ๐—”๐—ก :
Khawzawl District ah chuan VC 38 ah MNF in VC 22-ah hnehna an chang a, ZPM in VC 5 la in INC in VC 3 an la a, Independent Candidate in VC 1-ah hnehna an chan bakah chak bik awm lohna VC 7 a awm a. Vote nei 26,233 awmin 20,268 in Vote an thlak a, vote tla zawng zawng hi zaa 77.26 a ni.