Categories
News

๐—ก๐—ถ 13.11.2020 (๐—ญ๐—ถ๐—ฟ๐˜๐—ฎ๐˜„๐—ฝ๐—ป๐—ถ)

๐—Ÿ๐—ฒ๐—ถ๐—น๐—ฒ๐˜ ๐—ต๐—บ๐˜‚๐—ป ๐—ฒ๐—ป๐—ณ๐—ถ๐—ฎ๐—ต :
Champhai Bawrhsap Maria CT Zuali, Director (Crop Husbandry) Agriculture Department Rohmingthanga Colney leh Official teโ€™n nimin zing khan Champhai zawl tlawhin buh leh bal chinna ni lo hmalakna awmte an enfiah.
Buh leh bal chauh chinna tur leilet zawl a nihna ang taka hmang lova thil dang atana hman mek leh hman tumna awmte uluk taka enfiah a ni a. Leivung hmanga leilet chhilha thil danga hman tumna awm District thuneitu teโ€™n hmalakna tawpsan tura an hriattir te, sumdawnna bungraw dahna Kudam atana hmante pawh enfiah niin, leilet huam china In sa mek pakhat chu District Magistrate Maria CT Zuali chuan kutthlak chhunzawm tawh lo tura hriattirin kal zel dan tur ngaihtuah a ni ang, a ti a. Phalna la hmasa lova Leilet hmun thil danga hmangte chu Square Metre khat zelah Cheng 1000 zel chawi tir theih an nih thu leh dan hmanga hrem theih an ni tih a
sawi a. Leilet hmun leh a hnaivaia Land Pass neite enfiah zel a nih tur thu leh a nihna tur ang ni lova hmangte chungah dan anga hmalak tum a nih tih a sawi bawk.
Mizoram hmun hrang hranga Buh leh bal chinna Leilet, Wet Rice Cultivation (WRC) hmunte thil danga hmang lova humhalh a nih theihna tur leh Notified Town Area chhung bika leilet awmte buh leh bal chinna tur bik atan chauha hman chhunzawm zel a nih theihna tura Agriculture Minister C. Lalrinsanga leh Law Minister TJ Lalnuntluanga hova inrawnkhawmna, August Ni 3, 2020 a neih
thurel bawhzuina kal zelah Champhai leilet zawl, buh lehbal chinna atana hman chu Agriculture Land-a puana humhalh tlat a nih theihna turin Agriculture Department leh Land Revenue & Settlement Department tangkawp chuan an teh thar leh vek dawn a. Heng leilet zawlte hi buh leh
bal chinna atan bak thil danga hman a nih tawh lohna turin โ€˜The Mizoram Land Revenue Act, 2013โ€™ hmangin khauh taka humhalh tura hmalakna kalpui mek a ni.

Bawrhsap leh mi pawimawhten Leilet zawl an endik

๐—Ÿ๐—ถ๐—ฟ๐˜๐—ต๐—ฒ๐—ถ ๐˜๐—ต๐—ฎ๐—ฟ ๐˜‡๐—ถ๐—ฎ๐—ต ๐—น๐˜‚๐—ต ๐˜‡๐—ฎ๐˜ :
October thla khan District Transport Office, Champhai-ah lirthei 174 ziah luh niin, chhiah chi hrang
hrang atangin Cheng Nuai 22 chuang chhun luh a ni bawk.
October thla-a lirthei ziah luh zingah hian lirthei ke hnih tam berin,
94 ziah luh a ni a; Auto Rickshaw 13, Car 34, Taxi 11, Bungraw phur chi lirthei 29 leh Excavator/JCB 3 ziah luh a ni bawk a. DTO atanga lirthei Number pekchhuah hnuhnung ber chu MZ 04-A-4406 a ni.

๐—–๐—ต๐—ต๐—ถ๐—ฎ๐—ต ๐—น๐˜‚๐—ต ๐—ฑ๐—ฎ๐—ป :
October thla chhung khan Chiah chi hrang hrang atangin Cheng 22,95,291 chhun luh a ni a. Passenger phur chi atangin. Cheng 73,650; Bungraw phur chi atangin Cheng 2,42,300; Road Tax
atangin Cheng 10,11,830; MV Fee atangin Cheng 9,03,710;
Parking Fee atangin Cheng 50,801 leh lirthei dan bawhchhia atangin Cheng 13,000 hmuh a ni.

๐——๐—ฎ๐—ป ๐—ฏ๐—ฎ๐˜„๐—ต๐—ฐ๐—ต๐—ต๐—ถ๐—ฎ๐—ต 500 ๐—ฐ๐—ต๐˜‚๐—ฎ๐—ป๐—ด : Champhai a Covid-19 No Tolerance Fortnight kalpui mekah dan bawhchhia mi 520 man an ni tawh.
Nimin khan Police flying squad ten dan bawhchhia mi 3 an man a, Covid-19 Executive duty leh Champhai Police Station lamin man an nei lo thung.
Heti hian Champhai ah Covid-
19 No Tolerance Fortnight dan bawhchhia hi mi 520 man an ni tawh a, an pawisa chawi hi a vaiin Cheng 68,300 a ni.

๐—ž๐—ต๐˜‚๐—ป๐—ด๐—ต๐—ฟ๐—ฎ๐—ป ๐˜‡๐—ฎ๐˜ :
Champhai district-ah inkhung hrang mi 69 an awm mek. Nimin khan mipa 3 khunghranna hmunah an lut thar a. Tuna inkhung hrang mek zinga 28 hi
Sorkar khunghranna hmuna awm an ni a; in lama inkhung hrang hi mi 3 an awm bawk a, hri kai enkawl lai 38 nen inkhung hrangte hi mipa 58 leh hmeichhia 11 an ni. Khawzawl District-ah mi 8 khung hran mek niin, an vai hian sorkar khunghranna hmuna awm niin, mipa 6 leh hmeichhia 2 an ni.

๐—š๐—ฎ๐˜€ ๐—น๐—ผ ๐˜๐—ต๐—น๐—ฒ๐—ป๐—ด
October thla chhung khan Champhai Mizofed LPG ah Gas truck load 16 phurh thlen a ni a. Gas rawn thlengte hi bur pangngai 4,878 niin, bur lian chi 96 a tel bawk a. Truck Load khatah hian Gas bur 300 bawr vel rawn phurh thlen thin a ni. Tun dinhmunah erawh kawngpui dan a nih vangin Gas stock sa pawh pekchhuah vek tawh niin, Champhai District-a chhungkaw thenkhat chuan Gas an nghei tawh ni-a thu dawn a ni.
Hetihlai hian Mizofed LPG Champhai office-ah vawiin hian Gas Truck Load khat phurh thlen
beisei a ni a, Champhai District ta tur Gas phur Truck pathum pawh nimin lam khan Silchar atanga rawn chhuahtir beisei a nih thu kan
dawng bawk.

This site uses Akismet to reduce spam. Learn how your comment data is processed.