2021 CHHUNGIN RAMKANG KAIHHNAWIH AH MI 4 MAN

Get real time updates directly on you device, subscribe now.

Kum 2021 chhungin Champhai District chhung hmun 87-ah kangmei a chhuak.
Champhai Forest Div chhinchhiah danin kum 2021 chhung khan Champhai District chhungah ram hmun 87-ah kangin, Square Metre 30,21,000 (Hectare 302.1) a zau a kang a; ram kan chhan hi Lo halin mei an chhuah leh mimal ram hal atanga chhuakte a ni hlawm a; a tam ber erawh chu a kan chhan hriat a ni lo. Hnahlan ram chhungah Lo hal avanga ram kang zui tam berin, hmun 10-ah a chhuak a ni. Kum 2021 chhung hian ram kang kaihnawihah Champhai Police Station-ah thubuai thehluh niin mi 4 man an ni a, Ngur khuaah mi 2 man niin New Champhai leh Vaikhawtlangah mi pakhat ve ve man a ni. Nikum chhung khan Lo hal hun bituk chhungin Champhai District chhungah Khuangthing khuain Tuipuiral Games an thlen avangin lo an hal thei lova, a bak zawng chuan hun tiam an pel lo vek a ni.
Kum kalta chhung khan khua leh veng 3,283-ah Lo hal niin Hectare 1,956.8 a zau hal a ni a. Heng zingah hian Khuangleng khuaah Lo hal a tam ber a, hmun 270 ah hal a ni a, an Lo hal zau zawng hi Ha. 100 a ni a. Lo hal vanga ram kang zui hmun khatah a awm a; Hectare 0.4 a zau a kang a ni. Bulfekzawl ah Lo hal hi an tlem berin hmun khatah chiah hal niin, Hectare 0.5 a zau hal a ni a; Lo hal vanga ram kang an nei lo thung.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More