Kuthnathawktu hlawhtling te chawimawi

Get real time updates directly on you device, subscribe now.

Zirtawpni chawhma khan Champhai DC Conference Hall-ah kuthnathawktu hlawhlingte chawimawina hun buatsaih a ni a. Lok Sabha MP C.Lalrosanga chuan a hmanpui.

Kuthnathawktu chawimawina hlan te hi an vaiin mi 7 an ni a, chawimawina thuziak leh pawisafai Rs 5,000/- theuh hlan an ni. Agriculture department hnuaiah Phai leilet bigha 36 a zau atanga buh tin 1627 thartu KC Doliana, Vangchhia leh tlangram loneih Tin 4 hmun atanga buh Tin 738 thartu Lalthanchhunga, Khuangthing hnenah lawmpuina chu MP C.Lalrosanga’n a hlan a. Horticulture department hnuaiah hectare 1 a zau, Bangalore Blue Variety Grape puitling
kung 1500 atanga Quintal 137 thartu HS Vanlalfakzuala, IB Veng Champhai; Ryozeki Variety Zikhlum Tin 1 hmun atanga Quintal 95 thartu Lalchungnunga, Samthang leh Hmarchate Tin 230 thartu Immanuela, Thekpui hnenah lawmpuina chu H&FW Board Vice Chairman Dr. Z.R Thiamsanga’n a hlan a. AH&Vety department hnuaia Vawk 43 vulhtu R.Lalchhuanawma, Champhai Vengsang leh Sial 37 vulhtu K.Vanhmingliana, Tualcheng chu Bamboo Link Road Board Vice Chairman Ramthanmawia’n chawimawina a hlan bawk. Damdawi in fai inelna Kayakalp hmanga kum 2016 atanga 2020 chhunga Damdawi in fai thlanchhuah 3 zinga la tel zat zat District Hospital Champhai tana Clean, Beautiful and Healthy Champhai Town Committee te’n chawimawina thuziak an buatsaih chu MP C.Lalrosanga’n District
Medical Superintendent Dr. Zatluanga hnenah a hlan bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More