Khawlaiah thuhrilna hun hmang mek

Get real time updates directly on you device, subscribe now.

SYNOD Revival Committee ruahman – Street Preaching chu nizan hmasa atang khan
Bethel vengah hman tan a ni.
Synod Revival Committee chuan, hripui leng mek avanga hun rei tak chhung Biak in khar a nih tawh avang te, Kristiante hunpui vuak
vetah pawh Biak in hawn a nih theih dawn loh avang te leh kohhran mipui te thlarau nun tihchak thar nan – Street Preaching, khawlai hmun remchang laia Pathian thu hrilna hun chu hman turin a rel a. Street Preaching rawngbawlnaah hian SYNOD Revival Team-te chu a tul dananga insem darhin, Dist. Capital leh khaw lian zual deuh –
khaw 49-ahte thuhrilna hun an hmang dawn a ni.
Bethel Presbyterian Kohhran chuan nizan hmasa atang khan Street Preaching rawngbawlna hi an hmang tan a. Bethel PWD Complex chhungah hun hmangin,
sawrkar-in dan a zamte tha taka zawm chungin rawngbawlna hi kalpui a ni a. A hmuna kalte mai bakah, a chheh vela mite tana hriat theih tura ruahman a ni bawk.
Street Preaching-ah hian Biakhmingthanga, Krista Thiante Team speaker; Tual Upa Laltlanmawia, Chanchin Tha Puangtu Team speaker leh Upa Lallawmsanga, Agape Gospel team speaker-te’n thuhrilna hun an hmang a, Pathianni zan thleng rawngbawlna hun an hmang dawn a ni.
Street Preaching hi Pastor thuthmun kohhrante inhuam dan azira buatsaih tur a ni a. Vengthlang leh Vengsang Presbyterian
Kohhrante pawhin he rawngbawlna hi kalpui an tum ni-a hriat a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More