ni 21.9.2017 (ningani)

CHILDREN SCIENCE CONGRESS HMANG :

Nimin khan RMSA Champhai Dist.leh STAM  bultumin District Children Science Congress  chu I & P R Hall CHANEM ah neih a ni a. Project competition ah hian School 13 atangin Project 19 thehluh niin, senior leh junior category ah te then an ni.   He function ah hian Pu Lalbiakzauva DEO & DPC RMSA CHamphai DIst. in kaihhruaiin  Er. Lalrammawia SE PHE Dept. chu khuallian a ni. Khuallian hian child scientist te fuihna thu a sawi zawh hian project competition hi tan nghal a ni a, chawhnu dar 2 khan zawh fel a ni a,   result hetiang hi a ni:

Senior Category (High School)

1. Bethel Mission School
2. PES Khawzawl Vengthar

Junior Category (MIddle School)

1. Govt. Vengthlang M/S
2. Bethel Mission School

Anni bakah hian State Level a tel turin panel list a mi PES Champhai Vengthlang te chu thlan an ni bawk. State Level hi October 5 & 6 chhung hian Pachhunga University College ah neih leh tur a ni a. Heta ti tha 2 te hi Indian Science Congress ah an tel leh ang a, 8 dang hi National Children Science Congress ah an tel ve leh thung ang.

He Children Science COngress bik hi 1993 atang khan Dpartment of Science & Technology, New Delhi bul tumin neih tan a lo ni tawh a, kum tin hian India ram mai bakah ASEAN countries leh Gulf countries atang te project 1000 velin competition hi December 26 – 29 chhung hian India ram khawpui hrang hrangah an in neih chhawk tawh thin a ni.

CHAW ATAN VAIMIN RING :

In 220 vei awmna Selam khua chuan Ration buhfai thla hnih vel an dawn tawh loh avangin mipuiten harsatna an tawk mek.

Thu dawn dan chuan Supply buhfai hi Hnahlan Kudam atanga Ia thin an niin Selam leh Hnahlan inkar kawng a chhiat nasat avangin eng lirthei chi mah a kal thei lo va. Supply buhfai retailer in a lakluh theih loh avangin Buhfai neilo thahnem tak an awm tawh a. Chhungkaw thenkhat chuan vaimim leh thlai hnahte chaw ah an ring hial tawh a. A neilo ten Buhfai Ieh buhhum ngah deuhte ta pukin buhfai awm ang angte an eiho hlawm a ni.

Selam YMA Vice President N. Lalhmachhuana sawi danin Selam hian Tualcheng kal tlangin Hnahlan a mi supply buhfai an Ia thin a. Tualcheng Ieh SeIam inkar kawng chu tuihawkin a Ia khuar nasa in Iirthei an tIan thei Io va. Nimin khan khawtlang in kawng siamin hnatlang an neia. Pick up pakhat chu Hnahlan a buhfai phur turin a kaI chhuak thei hram. Hetihlai hian tIang hriIeng in he khua hi a tuam mek a. HritIang khawsikin mi tam tak a tlakbuak mek bawk a. Kawng chhiat avang hian Selam Ieh Champhai Inkar Maxicab service pawh tihtawp a ni bawk.

HOME MINISTER HOIN KAWNG SIAM DAN TUR REL :

Nimin khan Home Minister R. Lalzirliana hovin a pisa-ah YMA General Gonference, October ni 17-19, 2017 chhunga Champhai Zotlang a neih tur thlir lawkin, NH-6, Seling leh Champhai inkar kawng chhe bik zual lai chu siamthat vat a nih theih nan hmalak dan tur ngaihtuahin an thukhawm.

Meeting-ah hian kawng chhe lai siamtha tura lung mamawh chu a tam dawn em avangin Keifang Quarry (BRO Quarry hlui) chu hman tawh loh ni mah se mamawhna a san em avangin Aizawl DC, Geology and Mining Department leh PWD-te enpuina hnuaiah he quarry atang hian lung hi lak mai ni se, ti a rel a ni. Keifang quarry bakah hian private quarry pali atangin lung mamawhte lak a tul dawn tih tarlan a ni bawk.

Seling-Charnphai inkar NH-6 kawng dinhmun hi a that loh em avangin leh chhiatna lian zawk a thlen loh nan passenger leh chakkhai phur tih loh lirthei lian chi (ke ruk aia tam nei) te chu tlan khap rih ni se, tiin meeting hian a rel bawk a. Meeting-ah hian Police, PWD, Deputy Commissioner, Geology & Mining, GAD atangin department hotute leh CYMA aiawhte an tel a ni.
Kawng siamthat hna chak zawka thawh a nih theih nan lirthei, a bik takin motor lian ke ruk aia tam nei chin te Seling-Champhai inkarah One-Way traffic inkarthlak a tlan tir ni se, tia rel a ni a. Lirthei kal dan tura ruahman dan chuan – Thawhtanni, Nilaini, Zirtawpni leh Pathianni-ah Aizawl atanga Champhai lam pan kal mi se; Thawhlehni, Ningani leh Inrinni ah tlantir ni se, tiin an rel bawk.

PU NGILNEIA THLAH :

Lalngilneia Colhey, DSYO & Dist. Secretary, Bharat Scout & Guides, Champhai District chu Directorate of Sport and Youth Service, Aizawl ah sawn a ni a. Nimin khan Scout and Guides, Champhai District leh DSYO Office Staff Welfare ten thlahna hun hmangin ngaihhruina thilpek an hlan a. He hunah hian C .Lalbiakzauva, DEO & Dist. Chief Commissioner, Bharat Scout & Guides chuan thlahna thu sawiin a kal zelna turah duhsakna a hlan.